Berlin/Flensburg/Budyšin (SN/JaW). Zwjazkowe ministerstwo za nutřkowne naležnosće, kotrež pod nowym knježerstwom Nancy Faeser (SPD) nawjeduje, zastojnstwo społnomócnjeneho zwjazkoweho knježerstwa za prašenja wusydlencow a narodne mjeńšiny bórze znowa wobsadźi. To zhonichu Serbske Nowiny dźensa na naprašowanje. Dotal pak njebu naslědnik dr. Bernda Fabritiusa (CSU) – wón je funkciju wot 11. apryla 2018 wukonjał – hišće powołany.