Jörga Müllerowe foto cyrkwje w ruskej Litkowce pyši titulnu stronu měrcowskeho Rozhlada. Wone je dźěl wustajeńcy „5x Němska po cyłym swěće“, kotruž hišće hač do 24. apryla w Budyskim Serbskim muzeju pokazuja. Marija Suchec je sej tam fota, portretowace wšědne žiwjenje potomnikow něhdyšich němskich wupućowarjow, bliže wobhladała a přehladku doporuča. W krajach, hdźež zwobraznjeni ludźo bydla a swoju kulturu a wašnja haja, su Němcy jako mjeńšina žiwa, z čimž nastawaja zajimawe paralele k Serbam.