Karjerowe wiki zahajene

Drježdźany. Sakska ministerka za socialne naležnosće a towaršnostnu zwjazanosć Petra Köpping (SPD) je dźensa 23. wiki „KarriereStart“ w Drježdźanach wotewrěła. Něhdźe 480 wustajerjow wobłukow na přikład industrija, rjemjesło, informaciska technologija, medije a medicina, informuje tam wo wukubłanskich městnach, wo móžnosćach studija a załoženju eksistencow. Hač do njedźele, 13. měrca, móža zajimcy zarjadowanje na arealu Wikow Drježdźany w měšćanskej štwórći Friedrichstadt sakskeje stolicy wopytać. Płaći prawidło 3G.

„Jendźelske a jandźelske“

Budyšin. Wuznamny šwicarski cembalist Andreas Marti prezentuje we wobłuku wosebiteho koncerta dźensa, pjatk, w Budyskej Michałskej cyrkwi pod hesłom „Jendźelske a jandźelske“ wubrane twórby britiskich komponistow a „Jendźelsku suitu“ Johanna Sebastiana Bacha. Koncert započnje so w 19.30 hodź. Zastup je darmotny, wosada swj. Mi­chała pak wjeseli so nad pjenjež­nymi darami.

Jutrowne jejka debić