Pokiwy (28.10.22)

Freitag, 28. Oktober 2022
Artikel bewerten
(0 Stimmen)

Předstaji knihu wo pomnikach

Łaz. Trudla Malinkowa prezentuje dźensa, pjatk, we 18 hodź. we Łazowskim Domje Zejlerja a Smolerja swoju lětsa w Ludowym nakładnistwje Domowina wušłu knihu „Sorbische Denkmale“. Awtorka rozłoži stawizny pomnikow a předstaji počesćene wosobiny resp. historiske podawki. Zastup płaći tři eura.

Hač wójnu woprawdźe witaja?

Zły Komorow. Załožba Rosy Luxemburg (RLS) přeproša srjedu, 2. nowembra, na přednošk něhdyšeje nawodnicy wukrajneho běrowa RLS w Moskwje Kerstin Kaiser. Tema su wójna w Ukrainje, situacija znutřka Ruskeje kaž tež nastajenje „Rusow“ k prašenju, hač „tule wójnu woprawdźe witaja“. Zarjadowanje w Złokomorowskej Serbskej cyrkwi započnje so we 18.30 hodź., zastup je darmotny.

Wo prawach mjeńšin

Stróža. Serbski institut a LND wuhotujetej srjedu, 2. nowembra, prezentaciju knihi SI „Mjeńšina – móc – přiroda. Jednanja w dobje narodneho stata“. Wudawaćelce Jana Piňosová a Susanne Hozyna wěnujetej so z publikaciju mjez druhim prawam awtochtonych mjeńšin nastupajo samozarjadnistwo. Čitanje započnje so w 19 hodź. a je zdarma přistupne.

Veröffentlicht in Pokiwy
Bitte anmelden, um einen Kommentar zu posten

Anzeige