Pokiwy (11.11.22)

Freitag, 11. November 2022
Artikel bewerten
(0 Stimmen)

Mjeńšinowe rěče na podiju

Choćebuz. Nowy wotrjad „Regionalne wuwiće a škit mjeńšinow“ Serbskeho instituta wuhotuje štwórtk, 17. nowembra, wot 9 do 17 hodź. mjezynarodnu konferencu a podijowu diskusiju „Mjeńšinowe rěče w Francoskej: Strategije a zadźěwki rěčneho planowanja“ w Starym měšćanskim domje Choćebuz. Na přikładźe francoskich mjeńšinowych rěčow chcedźa trěbnosć a móžnosće rěčneho planowanja předstajić a diskutować, kak je na serbšćinu nałožować. Zajimcy njech přizjewja so bjez komdy z mailku na .

Jazz na swětowym niwowje

Budyšin. Po dwulětnej přestawce wotměje so znowa mytowanski koncert „Čerstwy wětřik přez młody jazz“, a to dźensa, pjatk, w Budyskim Kamjentnym domje. Z hosćom budźe pólska skupina Horntet, kotraž je lětuše wubědźowanje „Krokus“ Jeleniogórskeho jazzoweho festiwala dobyła. Koncert započnje so w 20 hodź., zastup je darmotny. Přizamknje so open stage, wšitkim zajimcam přistupne jewišćo za spontane hudźenje.

Štyrilětne wobstaće

Veröffentlicht in Pokiwy
Bitte anmelden, um einen Kommentar zu posten

Anzeige