Pokiwy (09.12.22)

Freitag, 09. Dezember 2022
Artikel bewerten
(0 Stimmen)

Buk poetisce a hudźbnje

Budyšin. Wosebity hudźbno-literarny wječor wuhotujetej Budyski Serbski muzej a kulturny časopis Rozhlad dźensa, pjatk, we 18 hodź. Z poeziju a hudźbu wěnuja so serbske awtorki a serbscy awtorojo kaž tež pólscy hudźbnicy twórbam Jana Buka, kotrež su z wobstatkom aktualneje wustajeńcy „Wšo je krajina“. Ze serije „Kóždy wobraz je nowy započatk“ Rozhlada čitaja Měrana Cušcyna, Róža Domašcyna, Ingrid Hustetowa, Měrka Mětowa a Měrćin Wjenk. Wo hudźbne wobrubjenje postara so jazzowa trójka z Jacekom Szreniawom, Jakubom Olejnikom a Mateuszom Maniakom z Jelenjeje Góry.

Na serbskich slědach po měsće

Budyšin. We wobłuku swojich „Wote- wrjenych sobotow w adwenće“ přeproša Budyska Serbska kulturna informacija jutře, 10. decembra, na wodźenje pod hesłom „Na slědach Serbow w Budyšinje“. Florian Kaulfürst rozłoži w tym zwisku pomniki, architektoniske a historiske wosebitosće kaž tež „aktualnu serbsku kulturu“. Start budźe w 13 hodź. při SKI. Popłatk na wosobu płaći 10 eurow.

Mytos a fenomen: Wjelk

Veröffentlicht in Pokiwy
Bitte anmelden, um einen Kommentar zu posten

Serbska debata

Neuheiten LND