Filmowa turneja po Łužicy

Běła Woda/Slepo. Turneja dokumentarneho filma Annetty Dorotheje Weber „Es kommt darauf an, das Hoffen zu lernen“ po Łužicy je z wčerawšim předstajenjom w Choćebuzu zaběžała. Dźensa pokazaja „stawizny přesydlenja w brunicowym rewěrje“ wotbłyšćowacy pask w 20 hodźu. w Běłowodźanskim sociokulturnym centrumje. Slěduja stajnje zdarma a stajnje w 19 hodź. prezentacije 27. februara w Slepjanskej cyrkwi, 28. februara w Grodkowskim Sprjewinym kinje, 1. měrca we Wojerowskej Kulturnej fabrice a 4. měrca w zetkawanskim centrumje „Kulturwerk“ w Rěčicach.

Čaporowe wiki a bursa

Wojerecy. Młodźinska klubownja OSSI we Wojerecach přeproša zajutřišim, njedźelu, na předewšěm na holcy a žony měrjace so čaporowe wiki a měnjensku bursu. Wot 14 hodź. móža zajimcy na Lieselotty Herrmannowej „draby, črije, toboły a accessoiry kupić a kawplować“.

„Hrabnjenčko měsaca“ NSLDź