Kwalita maćernorěčneje wučby we wulkich městach wohrožena
Bozen (SN/mb). Hdyž bu loni Roland Seppi jako nowy krajny komandant Južnotirolskeho zwjazka třělcow (SSB) woleny, su medije 50lětneho nana třoch synow politisce „poměrneho“ mjenowali. Bjezstronski předewzaćel w zawodźe za zastaranje hotelow ze žiwidłami nawjeduje organizaciju pjec tysac třělcow a marketenderkow, kiž pěstuje tradicionelne nałožki Tirola a pomoc mjez susodami. Ćim raznišo je so pak Seppi w mjenje SSB nětko słowa jimał, zo by „brachialny italski nacionalizm“ šwikał.