Festiwal Bouncować w Budyšinje „koncepcionelnje na dobrym puću“

Budyšin (SN/bn). Bouncować, z jendźelskeho to bounce (skakać), je wuraz z hiphopoweje kultury, wopisowacy zhromadny pohib publikuma w rytmusu hudźby. Cyłe město z najwšelakorišimi kulturnymi, sportowymi a ciwilno-towaršnostnymi akcijemi do tajkeho pohiba pohnuć je zaměr festiwala Bouncować w Budyšinje, kotryž towarstwo Kamjentny dom zhromadnje ze 26 parterami wot minjeneho štwórtka do zawčerawšeho mjeztym 3. raz po cyłym sprjewinymi měsće wuhotowaše.