Wosadne popołdnje

Bukecy. Bukečanska Bjesada a wosada přeprošatej jutře, sobotu na serbske wosadne popołdnje na wosadnu žurlu do Bukec. Po nutrnosći ze Serbskim superintendentom Krystofom Rummelom w 14.30 hodź. přednošuje dr. Edmund Pjech ze Serbskeho instituta wo temje „Serbske šulstwo wot 1918 hač do přitomnosće“. Po tym wobsteji při šalce kofeja a kusku tykanca móžnosć bjesadować a ludowe pěsnje spěwać. Slědowacu njedźelu wuhotuja w 10 hodź. dwurěčne kemše z fararjom Thomasom Haenchenom w tamnišej cyrkwi.

Koncert a kermušne reje

Radwor. We wobłuku Domowinskich „Nazymskich koncertow“ wuhotuja spěwarce Veronika Kalinučcyna a Helena Hejduškec kaž tež pianist Jan Brězan jutře, sobotu, hudźbny wječor w Radworskim hosćencu „Meja“. Wot 19.30 hodź. zaklinča znate mjezynarodne kaž tež woblubowane serbske spěwy a swójske twórby. Koncertej přizamknu so kermušne reje. Zastup płaći 5 eurow.

Hartwig předstaji „Hoywoj“