Prěni mjezynarodny Šěrachowy pčołarski konwent w Budyšinje

Budyšin (SN/bn). Jako „wědomostny wjeršk“ Budyskich mjedowych tydźenjow připowědźeny „Šěrachowy pčołarski konwent“ je minjeny kónc tydźenja dohromady něhdźe 200 zajimcow do Budyskeje měšćanskeje hale „Króna“ přiwabił. „Intensiwna wuměna mjez slědźenjom a praksu“ bě po słowach Renéja Schiebacka ze Sakskeje pčołarskeje šule, kotraž zarjadowanje hłownje organizowaše, „přewšo informatiwna, dosć napinaca a přiwšěm zabawjaca dwudnjowska dźěłowa party“. Wosebje dźakowaše so pčołarjej Günterej Sodanej z Budyšinka, kiž bě konwent na česć a składnostnje lětušich 300. narodnin „nestora moderneho pčołarstwa“ Hadama Bohuwěra Šěracha nastorčił. Ćežišćo programa tworješe cyłkownje wosom přednoškow mjezynarodnych fachowcow, wobswětlace najwšelakoriše aspekty kołowokoło plahowanja, škita a zwužitkowanja pčołkow. Ze zazběhowym referatom „Inteligenca pčołkow“ sposrědkowa prof.