Jutrowne wiki 1 500 wopytowarjow přiwabili – debjerki wuznamjenjene

Budyšin (SN/bn). Wospjet jako publikumowy magnet wopokazachu so mjeztym 31. jutrowne wiki, kotrež je Spěchowanski kruh za serbsku ludowu kulturu minjeny kónc tydźenja w Budyskim Serbskim domje wuhotowało. Cyłkownje zličichu sobotu a njedźelu něhdźe 1 500 wopytowarjow, mjez nimi nimale 200 dźěći. Wobě ličbje wotpowědujetej něhdźe lońšemu stawej, z čimž je zarjadowace towarstwo „přewšo spokojom“.