Schrift vergrößern
Na podiju diskutowachu Detlev Rein, Judit Šołćina, Hajko Kozel a Leoš Šatava (wotlěwa), hač su Serbja „indigeny lud“. Najbóle kontrowersnje debatowachu wo tym, hač měli so „prawobydlerjo Łužicy“ dale za to zasadźować, Serbow pod škit konwencije ILO 169 stajić. Moderaciju wukonješe Jana Piňosová (srjedźa) z ko-hosćićelskeho Serbskeho instituta. Foto: SN/Bojan Benić
„Štó smy – indigeni, awtochtoni abo něšto druhe?“ bě prašenje, tworjace ćežišćo třećeje Serbskeje debaty. Nimo Sakskeje krajneje centrale za politiske kubłanje, redakcije Serbskich Nowiny a Załožby za serbski lud, kotrež format wuhotuja, bě rozmołwu na podiju tónraz tež Serbski institut (SI) sobu organizował.
Jean-Rémi Carbonneau (za mikrofonom) sposrědkowa z publikuma přidatnu perspektiwu, rozłožiwši připóznawanje „indigenych ludow“ w Kanadźe.
