Lemke trjechi Rudiša

Wojerecy. We wobłuku rjadu Wojerowskeje Kulturneje fabriki „Grit mit ...“ chce so filmowča Grit Lemke dźensa, pjatk, z čěskim spisowaćelom Jaroslavom Rudišom rozmołwjeć. Zarjadowanje započnje so w 20 hodź., zastup płaći 15 eurow.

Smochčanski nowolětny koncert

Smochćicy. Kubłanišćo swj. Bena přeproša jutře, sobotu, w 19.30 hodź. na nowolětny koncert ze Salonowym smyčkowym orchestrom Drježdźany. Pod hesłom „Tempo, tempo – filmowa hudźba a Wienski walčik“ zahraje nimo znatych walčikowych melodijow wurězki hudźby z filmow, kaž na přikład „Mir geht’s gut“ a „Musik, Musik, Musik“. Zastup při wječornej kasy płaći 20 eurow.

Peukert poda impulsy

Chrósćicy. Na přichodnym wječoru rjadu „Kulturna zyma“ w putniskej hospodźe Chrósćicy přenošuje jutře, sobotu, Kamjenski farar Uwe Peukert. W 19.45 hodź. chce wón pod napismom „Lubuj swoju stawiznu – je to puć, kotryž je Bóh z tobu šoł“ impulsy za swójsku čaru žiwjenja podać. Hižo w 16 hodź. započnje so serbske dźěćace kino z filmom „Sonina dešća“.

Swójbne popołdnjo w muzeju