Budyska narěč z promijom

Budyšin. Ilko-Sascha Kowalczuk je jako punk mjez němskimi historikarjemi znaty. Sam wopisuje so jako „fanatikar swobody“. Dźensa wječor, w 19 hodź. rěči Kowalczuk­ w Budyskej tachantskej cyrkwi we wobłuku Budyskeje narěče. Wón apeluje na wotewrjenu towaršnosć na zakładźe demokratije. Na kóncu narěče wotměwa so rozmołwa z publikumom. We 18 hodź. budźe na tymle městnje měrowa modlitwa.

Nalětni koncert Slepjanow

Delni Wujězd. Serbski folklorny ansambl Slepo wuhotuje sobotu, 10. meje, we 18 hodź. nalětni koncert w cyrkwi w Delnim Wujězdźe. Partner ansambla je towarstwo ZAHRODKA 1921.

Swójske wuměłstwo tworić

Wojerecy. Na Dźeń maćerje, njedźelu, 11. meje, přeprošuje Wojerowski měšćanski muzej w 15 hodź. na wotewrjenje wustajeńcy „67 / 90 / 99“, kotrež su symbol­ za generacije, nazhonjenja a žiwjenske linije. Ricarda Müller a jeje dźowce předstaja swoje wuměłske twórby. Su to fotografije ze škleńčanej kulu, cyanotypija a molerstwo. Wot 16 hodź. je składnosć za wšitkich wopytowarjow sej fotografowanje z pomocu słónca (cyanotypija­) wotkryć. Pjenježny dar je witany.