Koncert w bašće

Budyšin. Serbski ludowy ansambl přeproša składnostnje 70. narodnin Jana Cyža a 60. narodnin Tima Meškanka dźensa, pjatk, w 19.30 hodź. na hudźbno-literarny wječor do Budyskeje Röhrscheidtoweje bašty. Filologa a historikar Timo Meškank je tójšto basnjow spisał a wudał. Jan Cyž je ze zběrkow „pój do rejki …“ a „rěč je hrajka ...“ teksty wubrał a je zhudźbnił. Kompozicije přednjesetaj spěwar Pětr Cyž a pianist Paul Bernewitz. Dalše literarne teksty čita Hanka Rjelcyna, mjez druhim wo dožiwjenjach Jurja Winarja z jeho kuzenkom Maksom Rječku, kiž bě dźěd Tima Meškanka.

Filmy ze serbskej tematiku