Berlin (dpa/SN). Zwjazkowy financny minister Lars Klingbeil (SPD) je sej wěsty, zo njeje w prašenju renty žaneje zwady mjez generacijemi. Młodźi ludźo chcedźa, zo renta staršeju kaž tež dźěda a wowki dosaha, rjekny wón sćelakej ZDF. Najebać to zawinuje rentowy pakćik ze stabilnymi 48 procentami hač do 2031 mjerzanje mjez młodymi zapósłancami unije. Klingbeil je za to, zo měł zwjazkowy sejm wo naćisku koalicije bjez dalšich změnow wothłosować.

Bywši prezident w jastwje

Brasilía (dpa/SN). Po swojim zasudźenju planowanja wojerskeho puča dla dyrbi bywši prezident Brazilskeje Jair Bolsonaro swoju 27 lět trajacu jatbu w prezidiju zwjazkoweje policije w stolicy Brasilía nastupić. Něhdyši šef stata dyrbi swoje chłostanje najprjedy raz na policajskej straži pokućić, na kotrejž bě dotal w přepytowanskej jatbje. Tole je zwjazkowy sudnik Alexander de Morales rozsudźił. Do toho bě najwyše sudnistwo wusud přećiwo Bolsonarej wobkrućiło.

Tramwajka z kolijow wuskočiła