Nowe rozmołwy wo skónčenju wójny w Ukrainje – Trump do Europy přeprošeny
Kijew/Washington (dpa/SN). We wobłuku prócowanjow wo skónčenje wójny w Ukrainje je so ukrainski prezident Wolodymyr Zelenskyj dźensa znowa ze zastupnikami europskich podpěraćelskich krajow zetkał. Tutón tydźeń wočakuja nas wšěch nowostki wo skónčenju přeliwanja kreje, piše wón w socialnych medijach. Na zetkanje w Europje kónc tydźenja su po jeho słowach tež prezidenta USA Donalda Trumpa přeprosyli.
Při připowědźenju zetkanja z europskimi politikarjemi wospjetowaše Zelenskyj znate směrnicy boja wo skónčenje wójny. Rozsudne prašenje je, kak so poradźi, Rusku pohnuć, zo morjenje skónči a so dalšeje inwazije wzda, wón rjekny.
