Łužiske lodohokejowe liški –
Krefeldske pinguiny 2:4
(1:1, 0:1, 1:2)
Tójšto zranjenjow dla běchu Krefeldske pinguiny z małym kadrom k Łužiskim liškam do Běłeje Wody přichwatali. Wot spočatka pak wone jara derje wustupowachu. Hosćo domjacych konsekwentnje při natwarje hry mylachu a zdobychu sej zahe dobre šansy. We 8. mjeńšinje Anthony Morron ze sylnej paradu nawjedowanju pinguinow zadźěwa. Běłowodźenjo přetrachu spočatnu fazu, tola w 12. min. docpě Davis Vandane nawjedowanje za Krefeld, kiž měješe jednoho muža wjac na lodźe. Tola pjeć mjeńšinow pozdźišo docpě Lane Scheidl za Běłu Wodu, nětko tohorunja z hrajerjom wjac, wurunanje 1:1 za Łužičanow. Z tutym stawom dźěše do prěnjeje přestawki.
W druhej třećinje hosćićeljo něšto mjeńšinow trjebachu, zo bychu ofensiwne akcenty sadźeli. Anthony Morrone staraše so z wjacorymi sylnymi paradami wo to, zo přećiwnik hru njedominuje. Ale w 33. min. přetwori Mark Zengerle puk we wrotach na 2:1 za hosći. Krótko po tym njewuži Charlie Jahnke wulku šansu za wurunanje za Běłu Wodu, wrotar Feliks Bick mócnje parěrowaše.
