Teheran (dpa/SN). Při najnowšich protestach w Iranje je po informacijach aktiwistow něhdźe 4 500 ludźi žiwjenje přisadźiło. Organizacija za zachowanje čłowjeskich prawow HRANA je dotal 4 519 mortwych zličiła. Dalšich 9 000 smjertnych padow hišće přepytuja. Mjez morjenymi je tež 197 policistow. Internet w Iranje wostanje dale zawrjeny. Jenož poněčim předrěwaja so informacije z Irana, kotrež woprawdźity rozměr namócneho poraženja protestow dokumentuja.
Milion ludźi bjez miliny
Kijew (dpa/SN). Po ćežkich ruskich nadpadach na infrastrukturu kraja dyrbi po informacijach ukrainskeho prezidenta Wolodymyra Zelenskeho něhdźe milion ludźi jeničce w Kijewje bjez miliny wutrać. Wjace hač 4 000 wysokodomow stolicy z třomi milionami wobydlerjow je bjez tepjenja, Zelenskyj w swojim wječornym widejowym poselstwje zdźěli. Najebać nadpady su jadrowu milinarnju Černobyl zaso syći přizamknyli.
Za Kurdow demonstrowali
