Na štwórtym wubědźowanskim dnju Zymskich olympiskich hrow w Italskej je němski team dalše sportowe akcenty sadźał. W lodowym kanalu postara so Julia Taubitz wo wyskanje, mjeztym zo w biatlonje Philipp Nawrath jenož snadnje medalju skomdźi. Mjezynarodne rozsudy w sněhakowanju na dalokich čarach, w curlingu a lodohokeju wotměnjawu olympisku wutoru skulojćichu.

W spěšnosankowanju žonow pisaše Julia Taubitz stawizny. 29lětna doby z cyłkownym časom 3:30,625 min. złotu medalju a wubědźowanje suwerenje za sebje rozsudźi. Wona bě nimale sekundu spěšniša hač Elīna Ieva Bota z Letiskeje. Ashley Farquharson z USA zawěsći sej bronzu. Merle Malou Fraebel, kotraž běše po prěnimaj běhomaj na druhim městnje, je so při starće třećeho běha hruby zmylk stał. Na kóncu wobsadźi wona jenož wosme městno.