Serbske jutrowne tradicije a wobrjady wospjet pokazka žiweje wěry a narodnosće byli
Chór „Łužyca“ je ćichi pjatk w Dešnjanskej cyrkwi žarowanske spěwy a jutrowne kěrluše přednjesł. Foto: Michael Helbig, Sabrina WagnerecW Čornym Chołmcu ćehnjechu młode žony a holcy kěrluše spěwajo po wsy.Na tradicionalne pasionske spěwanje bě chór „Łužyca“ ćichi pjatk do Dešnjanskeje cyrkwje přeprosył. Złožujo so na nazorny nałožk jutrowneho spěwanja zaspěwa chór „Łužyca“ pod nawodom Majki Stockoweje a Thomasa Dödinga stare serbske žarowanske a jutrowne kěrluše. Něhdy běchu je holcy na přazy wuknyli. Přez generacije buchu dale dawane. Hač do 1950tych lět bě nałožk na serbskich wsach žiwy. Žony a holcy ćehnjechu spěwajo na pasionskich njedźelach kaž tež ćichi pjatk po wsy. Za to su so tež lětsa połžarowansku drastu woblekli. Tradiciju jutrowneho spěwanja pěstuja mj. dr. we Wjerbnje. Tam ćahnu spěwarki jutry rano hišće do schadźenja słónca po wsy, zo bychu jutrowne poselstwo wozjewjeli. Woblečene su połžarowansku drastu. Lětsa su so rano wokoło pjećich zešli.
