Šulerjo ewangelskeje šule na přeprošenje zapósłanca AfD w Berlinje pobyli

Wóslink (SN/BŠe). We wobłuku informaciskich jězbow je 9. lětnik srjedźneje šule z Wóslinka kónc měrca zwjazkowy sejm wopytał. Zapósłanc zwjazkoweho sejma Karsten Hilse (AfD) bě šulerjow přeprosył. Tole wozjewi wón na swojej stronje na Facebooku kaž tež w tak mjenowanym Módrym wokolniku čisło 13/2026. Tam je zdobom wobraz skupiny wozjewjeny – mjezwoča šulerjow a wučerjow su z běłym dypkom zakryte. Za wobraz ze šulerjemi staj so tež Karsten Hilse a předsydka AfD Alice Weidel nastupiłoj. W towaršnosći a medijach je jězba wulke zadźiwanje zbudźiła. Předewšěm nasta prašenje, čehodla je runje křesćanska šula přeprošenje AfD sćěhowała.