Berlin (dpa/SN). Berlinska policija je w zwisku z mejskimi demonstracijemi minjeny pjatk wo „cyłkownje měrliwym dnju“ rěčała. Dohromady 87 ludźi dyrbjachu Berlinscy zastojnicy najwšelakorišich deliktow dla w běhu dnja po cyłym měsće zajeć. Dohromady je so wjace hač 70 000 ludźi na mejskich zarjadowanjach wobdźěliło. Při tym běše 5 300 policistow zasadźenych.

Steinmeier dyrbi přećahnyć

Berlin (dpa/SN). Přetwara Berlinskeho hrodu Bellevue dla dyrbi zwjazkowy prezident Frank-Walter Steinmeier přećahnyć. Jako nachwilne sydło běše za njeho poprawom tak mjenowany rezerwowy twar mjez kanclerskim zarjadom a Berlinskim hłownym dwórnišćom předwidźany. Wón pak budźe hakle w lěću do­twarjeny. Nachwilnje dyrbi Steinmeier swojich hosći w Borsigec wili na sewjeru Berlina přijimać.

Wotćahnu wojakow z Němskeje