W Sudanje ludźo hižo tři lěta pod sćěhami wobydlerskeje wójny ćerpja

Berlin (dpa/SN). Na wčerawšim mjezy­narodnym dnju nowinarskeje swobody je organizacija Reporterojo bjez mjezow na wobćežne a strašne dźěło žurnalistisce skutkowacych ludźi po cyłym swěće skedźbniła. Nimo Ruskeje a Ukrainy naspomnja zamołwići tež Gazaske pasmo jako kónčinu, w kotrejž je rozprawnistwo tuchwilu wosebje wobćežne a strašne. ­Runje tak pak skedźbnjeja na nječłowjeski a krawny konflikt w južnym Sudanje, ­kotryž tam hižo tři lěta howri, bjez toho zo by zjawnosć nazornišo wo nim zho­niła.