Prawicarsko-ekstremistiskej skupinje w fokusu statneho rěčnistwa
Berlin/Karlsruhe (dpa/SN). Zwjazkowe statne rěčnistwo je rumnosće 36 wosobow w dwanaće zwjazkowych krajach přepytało, kiž su pozdatnje w prawicarsko-ekstremistiskimaj skupinomaj „Jung und Stark“ a „Deutsche Jugend Voran“ organizowani. Jim wumjetuja wutworjenje abo čłonstwo w kriminelnym zjednoćenstwje, zdźěli rěčnistwo w Karlsruhe. Najwjace z wobskorženych su pozdatnje druhich ludźi naškarali. Wosmjom nimo toho ćežke zranjenje ćěła wumjetuja. Najmłódši z wobskorženych je 16 lět stary. Wjetšina wobskorženych bydli w Sewjerorynsko-Westfalskej (9) kaž tež w Braniborskej a Sakskej (stajnje 5).
