Ruska hrozy Letiskej z nadpadom – NATO, EU a wěstotna rada UN to zasudźeja

Riga/Vilnius/Moskwa (dpa/SN). Poměr mjez Ruskej a baltiskimi statami Estiskej, Letiskej a Litawskej so dale pohubjeńšuje. Moskwa wumjetuje Baltam, zo nad­pady ukrainskich trutow na sewjerozapadźe Ruskeje aktiwnje podpěruja. Do statneho teritorija baltiskich statow samych so přeco zaso ukrainske truty zadobywaja. Tam tukaja, zo Ruska elektronisce nawigaciju trutow wobwliwuje. Wčera mějachu w Litawskej wospjet alarm trutow dla. We Vilniusu je so statne wjednistwo prewentiwnje nachwilnje do škitneho bunkra podało.