7:1 – z tutym wuslědkom startowaše wčera wječor němske mustwo do swětoweho mišterstwa kopańcy w ameriskim měsće Houstonje. Po tym zo njebě prěnje 30 mjeńšinow cyle po planje wotběžało a nowačk z Curaçao samo mjezyčasnje 1:1 wurunanje docpě, móžeše team zwjazkoweho trenarja Juliana Nagelsmanna přiwšěm swój plan zwoprawdźić a na kóncu suwerenje z dobyćom do swětoweho mišterstwa kopańcy startować. Z 38 lětami je Nagelsmann připódla prajene najmłódši trenar turněra a samo młódši hač narodny wrotar Manuel Neuer, kotryž je ze swojim 40 lětami mjeztym hižo pjaty raz na swětowym mišterstwje pódla.
Powšitkownje móžeš z wuslědkom spokojom być. Přichodnu sobotu dyrbja Němcy znowa nastupić, potom póńdźe přećiwo mustwu Słonowinoweho pobrjoha (Elfenbeinküste) dale. Tola tuta hra budźe wo něšto ćeša. Hakle tam so pokaza, kak derje je němske mustwo na turněr přihotowane.
