Drježdźany (SN). Peticija za wjace socialneho dźěła na sakskich šulach, kotruž je Sakska rada šulerjow (LSR) lětsa w meji zahajiła, ma tuchwilu wjace hač 3 600 podpisarjow. Z tym je trěbne mnóstwo podpěraćelow docpěte, tak zo maja so zapósłancy Sakskeho krajneho sejma z temu zaběrać. LSR sej mjez druhim žada, zo dyrbjał swobodny stat socialne dźěło na wšitkich šulach zakonsce zaručić. Dotal su jenož wyše šule k tomu winowate.
Kritikar Putina morjeny
Lublin (dpa/SN). W městačku Biala Podlaska na wuchodźe Pólskeje su wčera 44lětneho ruskeho wuměłca a kritikarja Putina na dróze zatřělili. Wo tym informuje policajski rěčnik Lubinskeho wojewódstwa w zdźělence pólskeje powěsćernje PAP. Skućićela dotal popadnyli njejsu a tež motiwy njejsu dotal znate. Wuměłc, kotryž běše swojich satiriskich grafikow wo Putinje, Lukašenku a Stalinje dla znaty, běše wot lěta 2021 w pólskim eksilu žiwy.
G7: Jednanja znowa nastorčić
