Luzern/Teheran (dpa/SN). Iran chce po informacijach wiceprezidenta USA, JD Vanca, zaso inspektoram mjezynarodneho zarjada za atomowu energiju (IAEA) přistup do kraja dowolić. Hdy tomu budźe, nětko hišće jasne njeje, rjekny Vance na kóncu swojich wuradźowanjow z iranskej delegaciju w Šwicy. Iran pak njeje wopodstatnił, zo inspektorow zaso do kraja pušći.

Trump kritizuje Europčanow

Washington (dpa/SN). Krótko do wopyta generalneho sekretara NATO Marka Rutteho we Washingtonje je prezident USA Donald Trump zwjazkarjam w Europje znowa wumjetował, zo jeho kraj dosć njepodpěruja. Trump měni, zo su USA lěta dołho wulke sumy za škit Europy wudawali, hdyž pak prosy wón nastupajo Iran wo pomoc, jemu nichtó njepomha. Trump mjenowaše při tym Wulku Britanisku, Němsku a Italsku.

Žadyn dowol za pjećinu ludźi