Magdeburg (dpa/SN). Amokowstwa na hodownych wikach dla je krajne sudnistwo w Magdeburgu muža najwótrišo chłostało. W lěće 2024 bě wón při tym šěsć ludźi morił. Sudnicy zasudźichu muža ze Saudi-Arabskeje mjez druhim mordarstwa dla na čas žiwjenja w kłódźe.

Reforma na dobro komunow

Berlin (dpa/SN). Zwjazk a kraje su so na reformu­ financow dojednali, kotraž ma financielnym deficitam w městach a komunach wotpomhać. W přichodźe ma Zwjazk 80 procentow přidatnych kóštow­ přewzać, hdyž nowe zakonje zwjazka pola krajow a komunow wudawki nad 200 milionami eurow zawinuja. Zwjazkowy kancler Friedrich Merz (CDU) a ministerski prezident Nižosakskeje Olaf Lies (SPD) mjenowaštaj tole fairne dojednanje. Wot 1. septembra nowy modus płaći.

Alternatiwny namjet za rentu