W legendarnym stadionje Actekow w Mexiko City wotmě so wčera šěsnaćifinale Mexika. Mustwo hosćićela trjechi při tym na Ekwadorčanow, kotřiž běchu w předkole přećiwo Němskej dobyli. Tola swój hrajny stil z hry přećiwo Němskej njejsu wčera wotwołać móhli. We wupředatym stadionje, kiž bě połny mexiskich fanow, móžeše domjace mustwo swój domjacy bonus zwužiwać. Tak mějachu Mexičenjo hru wot spočatka w swojej ruce, a zdobom prěnje móžnosće. W 22. mjeńšinje ležeše bul tež hižo prěni raz w saku. Julian Quinones jón z mócnym wotzamknjenjom we wrotach zaměstni. Raul Jimenez zwyši krótko pozdźišo samo na 2:0. Z wulkotnymi wrotami třěli wón Mexiko k dobyću, přetož w druhim połčasu so wjac ničo njesta. Wčera wječor měješe Jendźelska z DR Kongo jara njepřijomneho přećiwnika. Dźakowano Brianej Cipengej Kongočenjo samo zahe nawjedowachu. Dołhi čas zamóchu swój předskok zakitować, a činjachu Jendźelčanam wurunanje ćežko. Tola potom so suk tola pušći a Harry Kane za Jendźelčanow wuruna. Krótko do kónca wón hišće raz wšu swoju klasu dopokaza, jako za Jendźelčanow dobyće 2:1 docpě.