Brüssel (dpa/SN). EU-komisar za migraciju Magnus Brunner sej dale žada, zo měła Němska swoje pomjezne kontrole wotstronić. Jako argumentaj za to mjenuje spadowace ličby migrantow a nowe regule za azyl. „Je na času, pomjezne kontrole w EU zakónčić“, rjekny Brunner w Brüsselu. Někotre kraje, mjez nimi Awstriska­, su so kontrolow mjeztym hižo­ wzdali, komisar wuzběhny.

Wojersku jednotu skruća

Pjöngjang (dpa/SN). Wuznamni zastupjerjo knježerstwow Sewjerneje Koreje a Chiny su při zhromadnych rozmołwach připowědźili, zo chcedźa kooperaciju krajow přichodnje dale wutwarjeć. Měnjace so połoženje mjezynarodneje politiki „bě krajomaj z přičinu, wojersku jednotu zesylnić“, rjekny Jo Yong, čłon prezidija sewjerokorejskeho politběrowa tamnišej statnej powěsćerni KCNA. Jo bě so z chinskim stronskim funkcionarom Wang Huningom zetkał, kotryž je čłon trajneho wuběrka politběrowa w Chinje.

Dowola asistěrowany suicid