Berlin (dpa/SN). Zwjazkowy zarjad za wustawoškit namołwja sobudźěłaćerjow brónjenskich předewzaćow wosebje na sebje­ kedźbować. „Tuchwilu wobsteji strach, zo ruske statne instancy tajke předewzaća wotposkaja abo sabotuja“, rěka we wěstotnym pokiwje za hospodarstwo, kotryž je tajna słužba za nutř­kokrajne naležnosće wozjewiła. Hladajo na to, kak wójna w Ukrainje wotběži, njehodźa­ so zaměrne nadpady přećiwo jednotliwym sobudźěłaćerjam, wosebje w nawodnistwje, wuzamknyć.

Njewěstosć na wikach

Frankfurt nad Mohanom (dpa/SN). Čłonojo Europskeje centralneje banki (EZB) so dźensa schadźuja, zo bychu wo nowych danjach rozsudźili. Do posedźenja je so tole na financnych wikach wotbłyšćowało. Němski wodźacy indeks spadny wo 0,8 procentow na 24 943 dypkow. Njewěstosć zawinuja dale stupace płaćizny wolija a kursy akcijow zhotowjerja chipow Infineon. Zdobom běchu inwesto­rojo do rozsuda EZB zdźeržliwi.

Mjenje miliny přetrjebali