Zwjazkowe wustawowe sudnistwo swjeći dźensa swoje 75ćiny

Karlsruhe (dpa/SN). 75 lět po swojim załoženju steji Zwjazkowe wustawowe sudnistwo (BVerfG) w dobje wulkich politiskich změnow před wužadacymi nadawkami. Lońše podawki kołowokoło wólby noweje sudnicy Frauke Brosius-Gersdorf su wuraz lěto a wjetšeho politizowanja sudnistwa a jeho róle w towaršnosći.

Wot swojeho załoženja w lěće 1951 kedźbuje BVerfG w Karlsruhe, zo so Zakładny zakoń w republice dodźerži. To płaći runje a předewšěm za dodźerženje zakładnych prawow. Wšitke statne instancy dyrbja Zakładny zakoń dodźeržeć. Jeli so politisce zamołwići tutoho zakonja dla zwadźa, móža so na Zwjazkowe wustawowe sudnistwo wobroćić. Jeho wusudy su za wšitke statne institucije zawjazowace­. BVerfG wobsteji z dweju a senatow. W kóždym skutkuje wosom sudnicow a sudnikow.