Drježdźany (SN). W internym spisu čłonam etatoweho wuběrka Sakskeho krajneho sejma naliči krajny zličbowanski zarjad­ wjacore prawniske rizika w dotalnym naćisku krajneho etata za lěće 2027 a 2028. Najwažniše wobmyslenja ma hladajo­ na planowane nowozadołženje we wobjimje 1,5 miliardow eurow kaž tež na wuwostawace wróćopłaćenje kreditow w zwisku z koronapandemiju. Dźeń a wjace krajnych zapósłancow žada sej nětko stejišćo statneho knježerstwa ke kritice zličbowanskeho zarjada.

Wotprawjenje misnyli

Washington (dpa/SN). Při prěnim wotprawjenju po 200lětnej přestawce w zwjazkowym staće USA Tennessee je ke komplikacijam­ dóšło. Po dwěmaj smjertnymaj injekcijomaj běše mordarstwa dla k smjerći zasudźena Christa Pike­ hišće žiwa. Na to wukaza zamołwity justicny zarjad transport do chorownje. Přećiwo wotprawjenju je w minjenych dnjach mnoho wobydlerskich iniciatiwow protesty organizowało a sej změnu wusuda na jatbu za čas žiwjenja žadało.

BSW wzda so mjena załožićelki