Po dźewjeć lětach zaso we Łužicy wustupja

Donnerstag, 15. Oktober 2026
Artikel bewerten
(0 Stimmen)
Krajny młodźinski chór Sakskeje zaspěwa kónc tydźenja dwójce w Hornjej Łužicy, a to sobotu w Kulowje a njedźelu w Chrósćicach.  Foto: Wolfgang Schmidt Krajny młodźinski chór Sakskeje zaspěwa kónc tydźenja dwójce w Hornjej Łužicy, a to sobotu w Kulowje a njedźelu w Chrósćicach. Foto: Wolfgang Schmidt
Kulow. Dohromady 45 młodostnych w starobje wot 15 do 27 lět ze wšitkich dźělow swobodneho stata spěwa w Krajnym młodźinskim chórje Sakskeje. Štóž chce so ze sobustawom tu­toho projektneho ćělesa stać, dyrbi kruty přizjewjenski proces zmištrować. Wot předspěwanja hač k přepruwowanju hudźbnych kmanosćow a techniskich aspektow sej gremij wšitko žada. „To snano wjele klinči, ale hdyž wobsedźiš wěste hudźbne abo spěwanske kmanosće a so přihotuješ, je to woprawdźe docpějomne“, Greta Čórlichec z Kulowa powěda. Wona je tónle proces wuspěšnje zmištrowała a smě so wot lěta 2022 čłonka chóra mjenować. Tež jeje bratr Lukaš Čórlich w nim sobu skutkuje. Wón je 2022 swój studij hudźby a germanistiki na Martina Lutherowej uniwersiće Halle-Wittenberg wuspěšnje zakónčił a po tym masterski studij chóroweho dirigowanja pola Jörga Breidinga na Folkwangowej uniwersiće wuměłstwow w Essenje absolwował.
Veröffentlicht in Kultura
Bitte anmelden, um einen Kommentar zu posten
Nowe poskitki LND namakaće w lětušim wudaću Nowinkarja!

Nowinkar 2026-27

Chróšćan Šulerjo

Midas Logo