Wšitcy běchu wćipni, kak budźe so bywši swětowy mišter Miroslav Klose jako šeftrenar 1.FC Nürnberg w Choćebuzu prezentować. Budźe skerje zdźeržliwy abo ludźom bliski? Hlada na přiwisnikow a zamołwitych FC Energije wothorjeka dele? Prašenje pak tež bě, kak budu so fanojo Energije napřećo koparskemu promijej zadźeržeć. Wšako bě wón wažny čłon přećiwnika, kotrehož chcyše FC Energija přewinyć. Wustupowanje Kloseho a tež fanow z Nürnberga móže so prosće wulkotne mjenować.