Vatikan (B/SN). Bamž Leo XIV. je čłonam komiteja American Jewish přislubił, zo budu so tež w přichodźe katolikojo zhromadnje ze židami „za dostojnosć čłowjeka zasadźeć, chudym słužić, swobodu nabožiny škitać, sprawnosć a měr spěchować. Kóždežkuli wašnje nabožneje a etniskeje hidy wotpokazujemy. Cyrkej antisemitizm njećerpi, wona zakroči přećiwo njemu na zakładźe ewangelija.“

Žarowanski měsac nowember

Berlin (B/SN). W nowembrje je tradicionelnje najwjace wopomnjenskich dnjow za zemrětych: Wšěch swjatych, chude duše, pokutny dźeń a smjertna njedźela. Zarjadowali běchu je w nazymje, dokelž su to žnjenske dźěła dokónčene a hač do hód hišće chwile. Dźensniše diskusije wo šmórnjenju swjatych dnjow njewomjelknu. Pokutny dźeń bu w Němskej, nimo Sakskeje, 1995 jako zakonski swobodny dźeń šmórnjeny.

Znamjo ekumeny