Berlin (dpa/SN). Dźěłarnistwo policije (GdP) reaguje z njezrozumjenjom na kritiku, kotruž zbudźeja wuprajenja zwjazkoweho nutřkowneho ministra Alexandera Dobrindta (CSU) w zwisku z podawkami wandalizma po demonstraciji iniciatiwy „Gen Z rjaduje“ minjenu sobotu w Frankfurće n. M. Policija běše tam 54 randalěrowacych muži zajała. Krótko po tym rěčeše Dobrindt w medijach wo „k namocy zwólniwych lěwych skupinach a chaotach z migrantskeho miljeja“. Předsyda wobłuka zwjazkoweje policije pola GdP, Andreas Roßkopf w interviewje z nowinu Bild wčera zwurazni, zo kolegojo zasadźenych policistow runje tute mjenowane skupiny skućićelow w swojich rozprawach wobkrućeja.