36. filmowy festiwal wuspěšnje zakónčili

Dienstag, 10. November 2026
Artikel bewerten
(0 Stimmen)
Reiner Nagel, dramaturgowka Hanka Jenčec, Lysann Nagel, protagonist Jürgen Spottke a Daniel Kubik (wotlěwa). Foto: Katalin Porackojc Reiner Nagel, dramaturgowka Hanka Jenčec, Lysann Nagel, protagonist Jürgen Spottke a Daniel Kubik (wotlěwa). Foto: Katalin Porackojc

Choćebuz (KP/NC). 36. wudaće Filmoweho festiwala Choćebuz (FFC) su minjenu wutoru we wulkim domje Statneho dźiwadła swjatočnje wotewrili. Přez wječor z čestnymi hosćimi a hudźbnym přinoškom ukrainskeho chóra Paljanyzja wjedźeše moderator Christian Matthée němsce, jendźelsce a serbsce. Hač do kónca festiwala njedźelu móžachu lubowarjo kina ze 147 filmow wuzwolić, mjez nimi bě 12 swětowych premjerow. Dalša nowostka bě lětsa mjez druhim nowe wubědźowanje GenNext, w kotrymž předstajichu młodźi režiserojo perspektiwy młodostnych a młodych dorosćenych. Kruty wobstatk FFC je hižo wjele lět sekcija Heimat/Domownja/Domizna, kotraž prezentuje filmy z a wo Łužicy kaž tež łužiskich a serbskich filmowcow. Składnostnje dweju jubilejow – 75lětneho wobstaća Serbskeho instituta a 80 lět DEFA – skićachu dohlad do archiwa serbskeho filmowstwa. Dale swjećeštej dwě serbskej dokumentaciji swoju premjeru: „Spiwanje. Co nas zwězujo“ Romana Pernaka a „Štom stejo mrěje – Am Ende des Brotbaumes“ Reinera Nagela.

Veröffentlicht in Kultura
Bitte anmelden, um einen Kommentar zu posten
Nowe poskitki LND namakaće w lětušim wudaću Nowinkarja!

Nowinkar 2026-27

Chróšćan Šulerjo

Midas Logo