USA wobwinuja Rusku

Donnerstag, 23. April 2015 geschrieben von:
Washington (dpa/SN/K). USA Ruskej wumjetuja, zo sćele k hranicam z Ukrainu znowa dale a wjace wójska. Ruska je tam mjeztym sylnišo prezentna hač do lońšeho oktobra, twjerdźi rěčnica wonkowneho ministerstwa USA Marie Harf. „Kombinowane mocy Rusow a separatistow łamaja dale februarske Minšćanske dojednanja.“ Zběžkarjo maja w njedowo­lenych kónčinach přeco hišće nadměru wjele artilerije a raketymjetakow. Ruske wójsko je pječa dalše antilětadłowe systemy na wuchodnej Ukrainje instalowało a mnohe bliže k frontowej liniji přesu­nyło, Harf wudawa. Nimo toho su ruscy wukubłarjo separatistow na brónjach trenowali. Při tym buchu tež ruske drony zasadźene. Ruska wšitke wumjetowanja tajkeho razu dotal raznje wotpokazuje.

Wurjadny wjeršk w Belgiskej

Donnerstag, 23. April 2015 geschrieben von:

EU wotmysli wojerstwo přećiwo łódźam pašowarjow zasadźić

Brüssel (dpa/SN/K). Po rjedźe zahubnych łódźnych katastrofow w Srjedźnym morju z mortwymi po stotkach wuradźuja šefojo statow a knježerstwow EU dźensa na wurjadnym wjeršku w belgiskej stolicy Brüsselu wo pomocy. Je wočakować, zo schwala wobdźělnicy dźesaćdypkowy program komisiji EU. Generalny sekretar UNO Ban Ki-moon je naležnje k tomu napominał spěšnje a skutkownje jednać.

Warnuja před talibanami

Donnerstag, 23. April 2015 geschrieben von:
Kundus (dpa/SN). Połtřeća lěta po cofnjenju Zwjazkoweje wobory ze sewjero­afghaniskeho Kundusa tamniše prowincne knježerstwo před tym warnuje, zo móhli talibanojo kónčinu wróćo zdobyć. „Je to najhórše połoženje w Kundusu po lěće 2002“, rjekny wiceguwerner Hamdullah Daneshi němskej powěsćerni dpa. Talibanojo su po jeho słowach dźeń a sylniši. Njedóstanu-li wěstotne mocy podpěru ze stolicy Kabula, hrozy strach, zo wšu prowincu zdobudu. Talibanojo běchu wčera připowědźili nowu ofensiwu zahajić. Při tym měrja so tež na „wukrajnych wobsadnikow“.

Turkowska reaguje

Donnerstag, 23. April 2015 geschrieben von:
Ankara (dpa/SN). Turkowske knježerstwo je wulkopósłanca kraja w Awstriskej k wuradźowanjam domoj skazało. Pozadk je wutorna deklaracija awstriskeho parlamenta, w kotrejž běchu masakry ze stron Osmaniskeho mócnarstwa na Armenjanach před sto lětami „ludomordarstwo“ mjenowali. „Tole turkowsko-awstriske přećelstwo dołhodobnje woblakuje“, kaž z Ankary rěkaše.

Rozprawa předstajena

Donnerstag, 23. April 2015 geschrieben von:
Berlin (dpa/SN). Społnomócnjeny zwjazkoweho sejma za Zwjazkowu woboru Hellmut Königshaus je dźensa w parlamenće posledni króć kóždolětnu roz­prawu předstajił. Znošene su w njej njedostatki wobrónjenja a wuhotowanja wójska. Rěč bě dźensa tež wo mašinskej třělbje G 36. Zakitowanska mi­­nisterka Ursula von der Leyen (CDU) je wčera wukazał­a wšitke třělby wuměnić.

Jednanja pospěšić

Donnerstag, 23. April 2015 geschrieben von:
Athen (dpa/SN). Hladajo na napjate financne połoženje w Grjekskej žada sej zamołwity EU za euro Valdis Dombrovskis, zo so jednanja pospěša, hačrunjež njeje dojednanje z Athenom wotwidźomne. W telewizijnym sćelaku ARD wón připowědźi, zo dźěłaja w Brüsselu doraznje na tym, Grjeksku w europasmje wobchować. Za to pak dyrbjeli wšitcy wobdźěleni swoje zawjazki spjelnić.

To a tamne (23.04.15)

Donnerstag, 23. April 2015 geschrieben von:

Swój kompjuter zatřělił je muž w USA. Do toho bě so 37lětny w Denveru w staće Colorado přez měsacy mjerzał, zo so programy kompjutera stajnje zaso dospołnje zwjezu. Nětko wza nastroj, staji jón na hasku za domom a třěli wosom króć do njeho, kaž policija zdźěla. Ta jemu bróń wotewza, dokelž je tam wužiwanje třělbow w zjawnosći zakazane.

Telewizijne wusyłanje „Germany‘s next topmodel“ z Heidi Klum wuskutkuje so na jědźne zadźerženje mnohich młodych holcow. To zwěsći Mjezynarodny institut za młodźinsku a kubłansku telewiziju. Fachowcy běchu so 241 pacientow, kotřiž maja jědźne mylenja – dokelž su suchušcy abo maja bulimiju – woprašeli. Třećina potrjechenych rjekny, zo bě wusyłanje priwatneho sćelaka ProSieben rozsudne za wuwiće chorosće. Najwjace pacientow běchu młode žony a holcy.

Łužica (23.04.15)

Donnerstag, 23. April 2015 geschrieben von:

Synagogu móža wobnowić

Zhorjelc (dpa/SN/ch). Zhorjelc je za wobnowjenje synagogi cyłkownje ně­hdźe 785 000 eurow zwolił. Čisćić a zwuporjedźeć maja so mušlowapnowe stołpy we wobłuku galerije. Planowane tež je, saněrować sćěny mjez kuplowej žurlu a předhalu kaž tež nutřkowneho boka južneje a sewjerneje wonkowneje sćěny. Spěchowanske srědki přewostaja Zwjazk, swobodny stat, Němska załožba za pomnikoškit, Zhorjelska staroměšćanska załožba a město. 1911 poswjećena Zhorjelska synagoga bě jako jenička w Sakskej pogromowu nóc 1938 přetrała. Wot toho časa pak synagogu hižo jako modlenski dom njewužiwachu, a tak wona přez lětdźe­satki rozpadowaše.

Park wohroženy

Štož mjeńšiny jima

Donnerstag, 23. April 2015 geschrieben von:

Hłowna zhromadźizna EFA w Budyšinje zajimawe dohlady zmóžniła

Hłowna zhromadźizna Europskeje swo­bod­neje aliancy (EFA) je na schadźo­wa­nju 17./18. apryla 2015 w Budyšinje slědowacu deklaraciju schwaliła:

Wobdźělnicy „dróhi sławy“, ruskeje awtoweje kolony składnostnje 70. róčnicy dobyća nad hitlerskej Němskej, su dźensa do Waršawy dojěli, po tym zo běchu wčera běłorusko-pólsku mjezu pola Terespola přeprěčili (hlej foto). 3 800 kilometrow dołha jězba z Moskwy po Běłoruskej, Pólskej, Čěskej a Němskej ma so sobotu w sakskim Torgauwje skónčić. 25. apryla 1945 běchu so tam sowjetske a ameriske jednotki zetkali. Foto: dpa/Wojciech Pacewicz

Anzeige

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.