Frank Peschel, AfD

Donnerstag, 22. August 2019 geschrieben von:

1Serbska rěč słuša k identiće Budyskeho wokrjesa. Tohodla je wažne rěč zachować a móžnosće skićić, zo by wšědny dźeń sylnišo nałožowana była. To pak dyrbi kóždy, kiž ju rěči, sam za sebje rozsudźić.

2 + 3Ze stron stata planowany kónc wudobywanja bru­nicy budźe so sylnje na Łužicu wuskutkować. Nimo připowědźenych 40 miliardow eurow strukturneje pomocy pak njeje žaneje wěstoty abo zawěsćenja, kak měli nowe a derje płaćene dźěłowe městna nastać. Politika žane dźěłowe městna njewutworja. Wona podawa hospodarstwu maksimalnje hospodarske ramikowe wuměnjenja. Tohodla mam planowanskohospodarske zasahnjenje do swobodneho hospodarstwa za wopačne. Kóž­da nowa technologija dyrbi so w swobodnym wikowanskim hospodarstwje přesadźić, a njeměli ju z miliardami eu­row­ z dawkow spěchować. Postup a spad solarneje industrije měłoj nam z warnowanjom być.

4Po mojim měnjenju ničo přećiwo tomu­ njerěči, w serbskorěčnych kónčinach swobodneho stata tajku ewalua­ciju přewjesć. Rozsudne pak budźe, kotre konkluzije zamołwići po wuhódnoćenju wuslědkow z njeje sćahnu.

Sirko Rosenberg, FDP

Donnerstag, 22. August 2019 geschrieben von:

1Za zachowanje serbskeje rěče a kultury dyrbimy komunalnu runinu syl­nić, zo móhli na městnje najlěpše roz­risa­nje namakać. Tak zaleži wězo tež na Serbach­ samych, zo swoju maćeršćinu rěča a dale dawaja. Zo by serbšćinu wuknyć atraktiwniše było, měli móžnosć pruwować, hač njeměła so wona z přiličomnej cuzej rěču na gymnazijach a wyšich šulach stać.

2Hornja kaž Delnja Łužica stej w minjenych 30 lětach hłuboku struk­turnu změnu wuspěšnje zmištrowałoj. Wona je njeličomne inowatiwne małe a srjedźostawske předewzaća wunjesła, na kotrež móžetej wobě Łužicy přichodne 30 lět sadźeć. Nadawk politiki nětko je wuměnjenja za srjedźny staw zlěpšić, zo móža so předewzaća dale wuwić.

3Sym za to, na předwidźanym wu­stupje ze zmilinjenja brunicy z při­zwolenymi rewěrowymi planami hač do­srjedź 2040tych lět njedwělować. Dočasny kónc pak wotpokazuju. Runočasnje dyrbimy alternatiwne formy dobywanja a składowanja miliny wutwarjeć, zo bychmy potrjebu miliny njewotwisnje wot słónca a wětřika zawěsćili. Energija dyrbi tunja a wěsta być.

Dr. Pětr Jahn-Brězan, Zeleni

Donnerstag, 22. August 2019 geschrieben von:

1Ně, skerje w swójbnym a wjesnym wobłuku. Wjetšu wažnosć měła potajkim serbšćina měć w pěstowarnjach a zakładnych šulach. Serbja měli sej wose­bje małe struktury za swoju rěč na wjesnych šulach žadać. Kultusowemu ministerstwu měli rozłožić, zo njerěka runoprawosć jeno samsne prawa. Za žony a zbra­šenych tajke něšto hižo dlěje płaći, čehodla nic tež za narodnu mjeńšinu?

Walter Senft, Swobodni wolerjo

Donnerstag, 22. August 2019 geschrieben von:

1Serbšćina móže swojeje mnohostronskeje kompatibelnosće k mnohim krajam na swěće, předewšěm pak k słowjanskim dla, jako móst přećelstwa słužić. Hižo z teje přičiny mamy ju ze zjawnych srědkow spěchować.

2+3Najprjedy mamy strukturnu změnu zmištrować a nowe dźěłowe městna wutworić, potom hakle wudobywanje a zmilinjenje brunicy skónčić – tak je to prawje a nic hinak! To je­ moje měnjenje, kotrež sym toho­runja wjackróć w swojej korespondency z ministerskim prezidentom Michaelom Kretschmerom zwuraznił.

4Kaž hižo pod dypkom 1 naspomnjene móže serbšćina k mnohim dalšim rěčam na swěće jako móst słužić. A tohodla dyrbimy ju ze zjawnych srědkow spěchować. Najwjetšu wažnosć mamy při tym na powšitkowne rěčne kubłanje w zažnym dźěćatstwje kłasć.

To a tamne (22.08.19)

Donnerstag, 22. August 2019 geschrieben von:

Z awtom maćerje je wosomlětny hólčec w nocy po A 44 njedaloko sewjerorynsko-westfalskeho Soesta smalił, doniž jeho samoho strach njezaja. Mać bě policiju po połnocy informowała, zo je syn z jeje wozom wotjěł. Policisća a mać jeho skónčnje na parkowanišću namakachu: Z warnowanskej swěcu a přidatnym warnowanskim třiróžkom bě wón awto hižo wotstajił. Pod sylzami zastojnikam na­přećo swoje zadźerženje wobžarowaše. Ani awtu ani hólcej so ničo njesta, wšako jězdźi prawidłowje z awtoscooterom.

Z požčenym elektrorolerom na A 57 po puću bě młody muž z Dubaija wčera pola Kölna. Nawigaciski nastroj bě jemu do toho awtodróhu jako najspěšnišu čaru poručił. 23lětny smědźeše na paralelnej dróze A 57 dale jěć, po tym zo bě pokutu zapłaćił. Šoferojo awtow běchu policiju wo roleru informowali.

Krajny sejm je 3. julija Druhi plan naprawow Sakskeho statneho knježerstwa k pozbudźowanju a wožiwjenju nałožowanja serbskeje rěče wobzamknył. Kak chceće ze swojej stronu k zwoprawdźenju plana přinošować, kotre nadawki sće sej w naležnosći dali?

Katja Meier Zwjazk 90/ZeleniRico ­Gebhardt ­Lěwica

Martin ­Dulig ­

SPD

Holger ­Zastrow FDP

Michael Kretsch­mer

CDU

Jörg Urban AfD

Swobodni wolerjo w Sakskej podpěruja swójske prócowanja, kaž projekt Witaj, serbskorěčnu wučbu a dźěławosć Serbskeho instituta. Pozitiwnje smy tež studiju SMiLE před něšto měsacami na wědomje brali. Prawa bě něhdy kročel, hibanju awtochtonych ludow Europy so přizamknyć – w Europje su wone ludy sedmina wobydlerstwa.

Fota: z wólbneho materiala kandidatow

Solidarny přinošk wotstronja

Mittwoch, 21. August 2019 geschrieben von:

Berlin (dpa/SN). Zwjazkowe knježerstwo je dźensa wobzamknyło, solidarny přinošk za najwjetši dźěl ludnosće wotstronić. Po planach financneho ministra Olafa Scholza (SPD) ma soli-připłatk za 90 procentow ludźi wot lěta 2021 wotpadnyć, dalši dźěl ma jón wotpowědnje dochodam jenož hišće podźělnje płaćić. Unija ma wulke wobmyslenja a chcyła soli dospołnje šmórnyć.

Conte wotstupi

Rom (dpa/SN). Populistiska alianca prawicarskeje Legi a hibanja Pjeć hwězdow w Italskej je na kóncu. Njestronski ministerski prezident Giuseppe Conte je wčera swój wotstup zapodał. Statny prezident Sergio Mattarella ma nětko rozsudźić, kak ma w knježerstwowej krizy dale hić. Do toho bě Conte w parlamenće z nutřkownym ministrom Mattejom Salvinijom wotličił. Tón žada sej bórzomne nowowólby, zo móhł dotalne dobre wuslědki naprašowanjow wuzbytkować.

Trump wopyt Danskeje wotprajił

Chór DSG w Berlinjeso předstajił

Mittwoch, 21. August 2019 geschrieben von:

Berlin (SN/JaW). Pod nawodom Geralda Schöna je so minjenu njedźelu tež chór Choćebuskeho Delnjoserbskeho gymnazija (DSG) na dnju wotewrjenych duri w zwjazkowym ministerstwje za nutřkowne, twarstwo a domiznu předstajił a za Serbow wabił. To zdźěla Berlinski mjeńšinowy sekretariat. Zhromadnje ze zastupnikami sekretariata za delnjoněmčinu a Dźěłoweho zjednoćenstwa za němske mjeńšiny informowachu sobudźěłaćerjo běrowa mnohich zajimcow wo štyrjoch připóznatych narodnych mjeńšinach w Němskej, wo Frizach, Danach­ w Němskej, Sintach a Romach kaž tež wo Serbach. Serbow zastupowachu sobudźěłaćerce mjeńšinoweho běrowa Judit Šołćina a Madlenka Kowarjec kaž tež nawodnica Choćebuskeje Lodki Milena Stockowa.

Maas namołwja k dialogej

Mittwoch, 21. August 2019 geschrieben von:

Moskwa/Berlin (dpa/SN). Do swojeho wotlěta do Moskwy je zwjazkowy wonkowny minister Heiko Maas wšitkich wobdźělenych ke konstruktiwnym prócowanjam wo měr na wuchodźe Ukrainy namołwjał. „W prašenju přiměra, rozwjazanja wojerskich jednotkow a hladajo na zwoprawdźenje Minšćanskeho zrěčenja nadźijam so skónčnje zaso swětła na wobzoru“, rjekny politikar SPD dźensa do wotlěta medijam. „Nětko dyrbja wšitke wobdźělene strony zwólniwosć k dialogej a k jednanju pokazać, hewak budu w tutym konflikće dale ludźo mrěć“, Maas w tym zwisku zwurazni.

Na wuchodźe Ukrainy wojuja wot lěta 2014 proruscy separatisća a ukrainske knježerstwowe jednotki přećiwo sebi. Němska a Francoska spytatej hižo pjeć lět we wobłuku tak mjenowaneho Normandijoweho formata mjez Ukrainu a Ruskej posrědkować. Z nastupom noweho ukrainskeho prezidenta Wolodimira Zelenskeho w zastojnstwje kónc meje maja nadźiju, zo so w tčacy wostatym konflikće zaso něšto hiba.

Pjenjezy za serbske knihi

Mittwoch, 21. August 2019 geschrieben von:

Spěchowanske srědki za Hórnikowu knihownju w Praze přepodali

Praha (SN/MkWj). „Něšto cyle wosebite“, „njewšědny podawk“, „wurjadny wo­komik w mojim žiwjenju“ – z tajkimi hódnoćenjemi njejsu wčera popołdnju w Praze lutowali. W tamnišim Serbskim seminarje móžeše sakski statny minister za zwjazkowe a europske naležnosće a šef statneje kenclije Oliver Schenk předsydźe Domowiny Dawidej Statnikej symboliski šek 80 000 eurow přepodać, zo móhli wot wulkeje wody wobškodźenu Hórnikowu knihownju restawrować. Na zarjadowanju wobdźělichu so tež zastupowacy minister čěskeho kulturneho ministerstwa Vlastislav Ouroda a zastupnikaj čěskeho senata.

Serbska debata

Neuheiten LND