Němska na lětušich olympiskich hrach jeno přerězk była
Tokio (kh/SN). Njedźelu su w Tokiju 32. olympiske lětnje hry oficialnje zakónčili. Starodawne, tež lětsa płaćiwe zwěsćenje je, zo njemóžeš olympiske hry mjez sobu přirunać. Wšako su wšitke na swoje wašnje jónkrótne. A lětuše běchu wězo cyle wosebite. Tak dyrbjachu je koronapandemije dla přestorčić. Tež runoprawnosć hraješe tajku wulku rólu kaž hišće ženje. Druhdy pak nasta zaćišć, zo bě politika wokoło sportowcow a trenarjow wažniša a w medijach časćišo zastupjena hač žro olympiskich hrow, mjenujcy sportowe wurisanja.
Tabulka (09.08.21)
Kopańca, regionalna liga muži
Optik Rathenow – FC Eilenburg 1:1 (0:0)
Fürstenwalde – Berlinski AK 1:4 (1:3)
Borussia Berlin – Altglienicke (wupadnyła)
Chemija Lipsk – Tasmania Berlin 2:0 (0:0)
VfB Auerbach – Lok Lipsk (wupadnyła)
Lichtenberg 47 – Kamjenica 1:3 (0:0)
1. Berlinski AK 4 10 : 2 12
2. BFC Dynamo 3 8 : 2 9
3. Kamjeničanski FC 4 8 : 4 9
4. FSV 63 Luckenwalde 3 7 : 1 7
5. VSG Altglienicke 3 6 : 3 7
6. BSG Chemija Lipsk 4 5 : 4 7
7. Germania Halberstadt 3 6 : 5 6
8. SV Babelsberg 3 3 : 3 6
9. SV Tasmania Berlin 4 4 : 4 5
10. Lok Lipsk 3 4 : 4 4
11. FC Energija Choćebuz 3 3 : 3 4
12. Hertha BSC II 3 2 : 5 4
13. ZFC Meuselwitz 3 2 : 3 3
14. Tennis Borussia Berlin 3 4 : 6 3
15. Union Fürstenwalde 4 6 : 10 3
16. FC Eilenburg 4 2 : 5 2
17. Optik Rathenow 4 2 : 6 2
18. FC Carl Zeiss Jena 3 1 : 3 1
19. SV Lichtenberg 47 4 2 : 6 1
20. VfB Auerbach 3 4 : 10 0
wyša liga, mužojo
Jednota Wernigerode – Biskopicy 2:1 (1:1)
Budissa Budyšin – An der Fahner Höhe
0:2 (0:1)
Kśišow – Martinroda 3:2 (1:1)
Carl Zeiss Jena II – Zorbau 1:2 (0:1)
International Lipsk – Rudolstadt0:1 (0:0)
HŁ Neugersdorf – Merseburg 0:0 (0:0)
Plauen – Union Sandersdorf 0:4 (0:2)
SV 09 Arnstadt – VfL Halle 96 1:3 (0:2)
Čerwjeno-běli Erfurt – Grimma 3:2 (1:1)
1. SG Union Sandersdorf 1 4 : 0 3
2. VfL Halle 96 1 3 : 1 3
3. FC An der Fahner Höhe 1 2 : 0 3
4. FC Čerwjeno-běli Erfurt 1 3 : 2 3
4. VfB 1921 Kśišow 1 3 : 2 3
6. FC Jednota Wernigerode 1 2 : 1 3
6. SV Módro-běli Zorbau 1 2 : 1 3
8. FC Jednota Rudolstadt 1 1 : 0 3
9. 1. FC Merseburg 1 0 : 0 1
9. FC HŁ Neugersdorf 1 0 : 0 1
Marathon star Kipchoge znowa olympiski dobyćer
Tokio (kh/SN). Na poslednim wubědźowanskim dnju olympiskich hrow w Tokiju je Eliud Kipchoge złoto w marathonje dobył. Superstar z Kenije doběža wčera po 42,195 kilometrach a času 2:08:38 hodźinow jako prěni do cila. Slěbro wubědźi sej Nižozemjan Abdi Nageeye, bronzu Bashir Abdi z Belgiskeje. Najlěpši Němc bě Richard Ringer na 26. městnje. Tež w basketballu je faworit triumfował. Kaž nimale hižo wočakowane přesadźi so žónska wubranka USA w finalu nimale jasnje z 90:75 přećiwo Japanskej. USA swjeći tuž sedmy olympiski titul za sobu. Najebać poražku je slěborna medalja za Japansku sensacija.
Z mustwowymi wubědźowanjemi su wčera hišće dale pokročowali. We wolejbulowym finalu přesadźichu so tohorunja žony USA, a to přećiwo Brazilskej z 3:0. Cyłkownje 39. złota medalja za USA běše zdobom prěnja za žónsku wubranku. Poslednja złota medalja lětušich olympiskich hrow, kotruž su sej USA zawěsćili, bě tohorunja rozsudna za medaljowy špihel. Z njej su Chinu w cyłkownym hódnoćenju přesćahnyli.
Dumpersportowcy so wubědźowali
Koparjo Sportoweje jednotki Chrósćicy su wčera w prěnim pokalnym ...
Widźał,słyšał, napisał (09.08.21)
Olympiske hry w Tokiju su nimo, wone pak wostanu nam na najwšelakoriše wašnje w pomjatku. Tež hdyž běchu wubědźowanja za nas w njepřijomnym času, dožiwichu fanojo sporta napjate, wotměnjawe a zdźěla dramatiske rozsudy w cyłkownje 33 sportowych družinach. Olympiske hry, poprawom za loni planowane a pandemije dla wo lěto přesunjene, pak sportowu swójbu dźěla. Přewulki je zdźěla rozdźěl mjez profijowym a wólnočasnym sportom. Distanca mjez přihladowarjemi a atletami je njewotwisnje wot korony wulka. Tón abo tamny so tuž praša, hač ma to wšitko docyła hišće zmysł. Korupcija w jednotliwych narodnych zwjazkach, problem dopinga a mnohe dalše njedostatki to wězo potwjerdźeja. Snano pak so, kaž je to často tak, negatiwne zaćišće a fakty bóle do srjedźišća stajeja hač pozitiwne. Tak njech wostanu nam radšo zwjeselace dožiwjenja a wurjadne wuslědki lětušich olympiskich hrow w pomjatku.
Doma jasnje podleželi
SJ Njebjelčicy – Sokoł Ralbicy/Hórki 1:6 (1:3)
Za domjacych zasadźeni: Matješk – Šołta, Haška, Reinelt, Hanuza, Lejnart, Korjeńk, Čornak, F. Domš, Ričel, O. Domš, Kral, Wagner, Reineke, Hübenthal, Schaaf
Za hosći zasadźeni: Schöne – M. Matka, Janca, K. Matka, Rachela, Wałda, T. Bejma, Kurjat, Šołta, Gloxyn, B. Bejma, Schulz, Šewc, Rawš, Nuk, Budar, Materna, Šiman
Tež lětsa běštej so koparskej cyłkaj z Njebjelčic a Ralbic na testowu partiju dojednałoj. Po zahwizdanju w 4. min. nawjedowaše Sportowa jednotka přez Floriana Domša 1:0. Gabriel Čornak posłuži Handrija Korjeńka, kiž bul hnydom Domšej dale suny, a tón z połneho běha wottřěli. Wotnětka pak Sokoljo dominowachu a stłóčichu domjacych połnje do zakitowanja. Bosćij Bejma zběhny kulowatu kožu do šěsnatki, a Aleksander Wałda přetwori w 10. min. k 1:1. Do přestawki nastachu přez zmylkaj w srjedźnym polu a potom před swójskej šěsnatku dalše wrota přećiwnika přez Maika Jancu a Dennyja Gloxyna (29., 32.). Njebjelčenjo přińdźechu w cyłym prěnim połčasu lědma hišće k wolóžacym nadběham.
Hilbert w chodźenju njewočakowano slěbro dobył
Tokio (kh/SN). Jonathan Hilbert je w nocy na dźensniši pjatk w chodźenju na distancy 50 km njewočakowano slěbro dobył a tak po 29 lětach prěnju medalju za němskich chodźerjow dobył. 26lětny atlet sportoweho towarstwa LG Ohra doběža w Sapporu w 3:50:44 hodź za Polakom Dawidom Tomalu (3:50:08) do cila. Bronzu wubědźi sej Evan Dunfee z Kanady (3:50:59).
W kajaku staj rutinjejej Max Hoff a youngster Jacob Schopf na dwanatym wubědźowanskim dnju w Sea Forest Waterwayju wočakowanu olympisku medalju dobyłoj. Při ekstremnje wysokich temperaturach a napřećiwnym wětřiku móžeštaj so 38lětny Hoff a 16 lět młódši Schopf na swój kónčny spurt spušćić a w finalu wo dobyće sobu wojować. Na kóncu pobrachowaše jimaj mjenje hač poł sekundy k złotu. Awstralska dwójka Jean van der Westhuyzen/Thomas Green triumfowaše, a bronza dźěše na Josefa Dostála a Radeka Šloufa z Čěskeje.
Sport (06.08.21)
Dumperowcy so wubědźuja
Njedźelu, 8. awgusta, so w Hórkach zaso dumperowcy wubědźuja. Zastup tam žadyn zběrać njebudu.
Časowy wotběh:
9:00–10:30 techniske přepruwowanje
dumperow přez DEKRA
11:00–12:00 kwalifikacija
12:00–13:30 wobjed
13:30–15:30 wubědźowanje dumperow
16:00–17:00 wubědźowanje liliputow
Wukubłaja nowych sudnikow
Zapadołužiski koparski zwjazk (WFV) a jemu přisłušace koparske towarstwa maja do spočatka noweje hrajneje doby wulke starosće sudnikow nastupajo. W nowym kursu chcedźa tajkich nětko wukubłać. Kursisća zetkaja so pjeć razow, a to kóždu njedźelu w septembrje a prěnju njedźelu oktobra. Wukubłanje chcedźa na sportowym arealu sportoweho towarstwa Jednoty Kamjenc přewjesć. Wšitke podłožki (wupisanje, přizjewjenski formular a próstwa za wupokaz) steja na internetnej stronje WFV.
Zahaja winowatostne hry
Florianej Wellbrockej najwjetši triumf karjery
Tokio (kh/SN). Swětowy mišter Florian Wellbrock je dźensa k najwjetšemu triumfej swojeje karjery płuwał. Na distancu 10 kilometrow we wotewrjenej wodźe pře- sadźi so wón jasnje přećiwo konkurency a doby dźewjate złoto za němske mustwo na olympiskich hrach w Tokiju.
Tež němske blidotenisowe mustwo muži saha za złotej medalju. Po dramatiskim połfinalu přećiwo japanskemu hosćićelej nastupi wone jutře w finalu přećiwo faworitej z Chiny. Trójka wokoło Dmitrija Owčarowa, Tima Bolla a Patricka Franziski bě Japansku ze snadnym 3:2 přewinyła. Němske blidotenistki pak podležachu w kole poslednich štyrjoch Chinje z 0:3 a hraja nětko wo bronzu.
