Wuslědki (27.09.16)

Dienstag, 27. September 2016 geschrieben von:

Regionalna koparska liga

Lok Lipsk – FC Viktoria 2:2 (0:2)

RB Lipsk II – Schönberg 4:1 (1:0)

Energija Choćebuz – Budissa  1:0 (1:0)

1. Jena 8 22  :  1 24

2. RB Lipsk II 8 12  :  7 17

3. Hertha BSC II 8 13  :  10 16

4. Energija Choćebuz 8 11  :  5 15

5. BFC Dynamo 8 17  :  7 14

6. Lok Lipsk 8 13  :  8 14

7. Babelsberg 03 8 16  :  13 14

8. FC Viktoria 8 17  :  8 13

9. Berlinski AK 8 10  :  11 12

10. Nordhausen 8 11  :  14 10

11. Schönberg 8 11  :  16 10

12. Neugersdorf 8 13  :  11 9

13. Fürstenwalde 8 7  :  14 9

14. Auerbach 8 6  :  14 8

15. Budissa Budyšin 8 8  :  14 4

Wospjet dumperowy mišter

Montag, 26. September 2016 geschrieben von:

17. raz su Lejnjanscy dumperowcy sobotu swójski běh wuhotowali, a prěni raz móžachu so woni w mustwowym hódnoćenju nad titulom němskeho mištra wjeselić. Filip Kral z Róžanta, Markus Donat z Lejna, Křesćan Grutka z Chrósćic, Maik Rupprecht z Hodźija a Daniel Rupprecht z Časec wudobychu sej lětsa najwjace dypkow za serbskich motorsportowcow na třoch kolesach. Najwjetši podźěl na dumperowej domchowance měještaj Filip Kral (96 dypkow), kiž sta so w Baćonju třeći raz za sobu z němskim dumperowym mištrom, a Markus Donat (72 dypkow). Wón měješe na domjacej čarje hišće móžnosć Krala w kónčnym hódnoćenju přesćahnyć.

Sokoljo doma jasny wuspěch žnjeli

Montag, 26. September 2016 geschrieben von:

Sokoł Ralbicy/Hórki

– Drohotka Ramnow 5:1 (2:0)

Zestawa domjacych: C. Gloxyn – Matka, Bjeńš, von Köding, Lulak (48. Bejma), Schultz, Šewc, S. Bjeńš (74. Kurjat), D. Gloxyn, Korjeńk, Domaška

Po poražce w Ćisku chcychu koparjo Sokoła Ralbicy/Hórki doma přećiwo Ramnowej na kóždy pad dobyć. Wot spočatka tłóčachu tuž na tempo a mějachu hru w prěnjej štwórć hodźinje połnje w rukomaj. Po tym zo bu Domaška před šěsnatku foulowany, hrabny sej Denny Gloxyn kulowatu kožu a prasny ju z 20 metrow k 1:0 njedźeržomnje do hornjeho kuta (7.). Poněčim sej tež hosćo dobre šansy nadźěłachu, wrotar Chrystof Gloxyn pak wšitke znješkódni. Po lapsusu w defensiwje, jako wuhra přećiwnik přelochko hnydom dweju Sokołow, wón na třećim wisajo wosta. Sudnikej njeby ničo druheho wyše, hač na jědnatku rozsudźić (30.). Z wulkotnej paradu pak ju Gloxyn wotwobara. Ramnowčenjo běchu w tej fazy na kóždy pad lěpši. Jako chcychu so wšitcy hižo ze snadnym předskokom do přestawki rozžohnować, docpě hišće raz krasna přihrawka ze srjedźneho pola Domašku, kiž zymnokrejnje na 2:0 (45.) zwyši.

Dwójce jako prěni nawjedowali

Montag, 26. September 2016 geschrieben von:

SC Großröhrsdorf II

– SJ Njebjelčicy 2:2 (1:1)

Zestawa hosći: Hahn – Pawlik, Ričel, Haška, Hoelzel, Hanuza, Cyž, Šołta (75. Kral), Lejnart, Korjeńk (70. Čornak), Janca (87. Šram)

Wulku nuzu měještaj trenarjej Detlef Panic a Handrij Krawčik ze zestawu swojeho koparskeho mustwa w partiji pola rezerwy SC Großröhrsdorfa. Cyła kopica aktiwnych njebě zranjenja a druhich přičin dla k dispoziciji. W prěnjej połojcy bě hra wurunana, z někotrymi lěpšimi šansami za Njebjelčanow. Tak doběža sej Lejnart w 7. min. přihrawku na lěwej stronje, přesadźi so wušiknje, ale zaby bul na wrota třělić. W 23. min. přesadźi so Hoelzel hač do přećiwniskeje šěsnatki, hdźež bu foulowany. Postajenu jědnatku přetwori Hanuza k 0:1. Wurunanje poradźi so domjacym z wysokej třělwu z něhdźe 20 metrow pod łatu w 37. min.

Najebać dobru moralku přěhrali

Montag, 26. September 2016 geschrieben von:

Budissa Budyšin

– Hertha BSC II 2:3 (0:3)

Zestawa domjacych: Große – Kolan, Klippel, Patka, Heppner, Hoßmang, Pfanne (80. Baudis), Milde, Müller, Hänsch (76. Barnickel), Hermann (76. Barth)

Do Budyšina bě młode mustwo přijěło, kotrež steji na druhim městnje tabulki a ma w swojich rjadach chětro sylnych koparjow. Trenar Budissy Linkert dyrbješe mustwo trochu přestajić, dokelž wrotar Wohlfeld a Šisler pobrachowaštaj zranjenja dla, Salewski bě chory. Domjacy chcychu najebać njelěpšiny dypkować a mějachu tež hnydom prěnju šansu. Nadběhowar Hermann pak třěli snadnje nimo wrotow (4.). Berlinjan Pelivan sčini to mjeńšinje po tym lěpje. Třělwa ze zdalenosće 22 metrow přizemi we wrotach Budissy. 350 přihladowarjow widźeše nětko mustwo, kotrež so wo spěšne wurunanje prócowaše. Bohužel trjechi Pfanne z hłójčkowanym bulom jenož łatu (23.). Mjeńšinu po tym wupomha sej samsny hrajer na tamnym boku z foulom w šěsnatce a sudnik pokaza na dypk­. Mlynikowski jědnatku wěsće přetwori. Krótko do přestawki poradźichu so hosćom samo hišće třeće wrota (43.). Eisele­ bě je po róžku z hłójčku docpěł.

Stara garda worjołow dobyła

Montag, 26. September 2016 geschrieben von:
Koparjo mustwa starych knjezow Módro-běłych Kulow su lětuše mišterstwa Zapadołužiskeho koparskeho zwjazka dobyli. W poslednjej hrě sezony 2016 přesadźichu so worjoły doma přećiwo Natwarej Wojerecy z 3:0. Po tym přepoda jim staflowy nawoda Siegmund Heidrich (nalěwo) dobyćerski pokal. Foto: Werner Müller

Filip Kral znowa mišter

Montag, 26. September 2016 geschrieben von:
Dobyćerska pjasć Filipa Krala z Róžanta bě sobotu znamjo titulneho hattricka. W lěće­ 2014, loni kaž tež lětsa je Róžeńčan němske dumperowe mišterstwa dobył a ma we wěčnej hódnoćenskej tabulce nětko jenaku ličbu dnjowych dobyćow kaž Frank Domš ze Zejic. Wobaj staj wot lěta 2003 dwanaće wubědźowanjow dobyłoj, z toho Kral lětsa hnydom tři w Bad Freienwaldźe, w Mildenbergu a Baćonju. Foto: Konstantin Hrjehor

Widźał, słyšał, napisał (26.09.16)

Montag, 26. September 2016 geschrieben von:

Awtor dźensa

Jan Macka

Lubi sportowcy, je zaso čas domchowanki a kermušow. Rjane słónčne wjedro je nam hišće tu abo tamnu překwapjenku kónc tydźenja w kopańcy wobradźiło. Kaž w medijach čitamy, wjetše a mjeńše mustwa nětko hižo bilancuja, što su prawje abo wopak činili. Mnozy pak so prosće takle zwuraznjeja: „Pola nas lětsa wulkotnje běži.“ abo „To sy hižo po prěnjej hrě spóznał, zo so ćežko změja.“ abo „Pola nas zaso njedosaha.“

Moje postupne mustwa, kotrež sym minjene hrajne lěto na lisćinje měł, chcu skrótka wobswěćić, a to z optimizmom na hišće dołhu hrajnu dobu. Pola RB Lipska njewidźu stracha, zo do krizy padnje. Start bě za nowačka w 1. zwjazkowej lize optimalny. Wosebje dobyće přećiwo Dortmundej je jemu dalšich fanow wobradźiło a z 1:1 nětko pola 1. FC Köln je w načolnej skupinje zaměstnjeny. To same zdaše tež za Dynamo Drježdźany móžno być, tola přěhraty derby doma přećiwo Aue a poražka w Kaiserslauternje woznamjenja jenož srjedźne městno, štož nikoho z nas tak prawje njezwjesela. Tež wčerawše 2:2 přećiwo Würzburgej nic.

Wuslědki (26.09.16)

Montag, 26. September 2016 geschrieben von:

Wokrjesna wyša koparska liga

Motor Kumwałd – Wojerowski FC 2:1 (2:0)

Póst Budyšin – Módro-běli Kulow 0:2 (0:1)

Połčnica – Rakečanske ST 2:2 (0:2)

Hnašecy-Dobruša – Ćisk  2:0 (1:0)

Hory – Zeleno-běli Bukecy 6:0 (3:0)

Ralbicy/Hórki – Droh. Ramnow 5:1 (2:0)

Wjelećin – Großröhrsdorf 2:2 (0:0)

Kinsp./Łužnica – Otten.-Okrilla 6:1 (2:0)

1. ST Ćisk  6 17  :  2 15

2. ST Kinspork/Łužnica 6 16  :  7 12

3. Rakečanske ST 6 12  :  9 11

4. Sokoł Ralbicy/Hórki 6 16  :  9 10

5. Wojerowski FC 6 13  :  8 10

6. Motor Kumwałd 6 13  :  11 10

7. ST Hnašecy-Dobruša 6 10  :  11 10

8. Módro-běli Kulow 6 15  :  10 9

9. SC Großröhrsdorf 6 6  :  5 9

10. Póst Germania Budyšin 6 7  :  13 7

11. TSV Połčnica  6 9  :  14 6

12. FV Ottendorf-Okrilla V 6 9  :  16 6

13. LSV Hory  6 17  :  15 5

14. Drohotka Ramnow 6 11  :  12 5

15. Zeleno-běli Bukecy 6 13  :  24 5

16. ST Wjelećin 6 9  :  27 2

Sport (23.09.16)

Freitag, 23. September 2016 geschrieben von:

Dumpery so wubědźuja

W Baćonju wubědźuja so sobotu a njedźelu zaso dumperowcy a dorostowi piloća na liliputach. Sobotu přewjedu tam wot 11 do 12 hodź. kwalifikaciske běhi a wot 15 hodź. finalne běhi wo Němske dumperowe mišterstwa 2016. Wokoło 17 hodź. mytuja dnjowych dobyćerjow, wot 19 hodź. němskeho dumperoweho mištra a najlěpše mustwo lěta. Hódno­ćenje jednotlicow nawjeduja do poslednjeho běha Filip Kral (76 dypkow), Markus­ Donat a Frank Domš (wobaj 56 dypkow). Njedźelu wot 10 hodź. wotměja w Baćonju regionalne wubědźowanje a wot 14 hodź. popołdnjo za dźěći, kotrež móža so wězo tež z liliputami wubě­dźować.

Wokoło Butroweje hory

150 wobdźělnikow je so za jutřiši 16. běh wokoło Butroweje hory w Biskopicach přizjewiło. Sportowe towarstwo TV 1848 Biskopicy běh zarjaduje.

Motocross na Kaponicy

Anzeige