Wohnjostroj wrotow prěni adwent

Dienstag, 01. Dezember 2015 geschrieben von:

ST Marijina hwězda – SV Haselbachtal 7:4 (5:2)

Zestawa domjacych: Vacek – Rab, Sbjeznie, Škoda, Czapik, Peschmann (86. Mattick), T. Jurš, Bělk (46. Langer), Schmidt, Pakoßnick (60. Bětnar), D. Jurš

To bě wohnjostroj nadběhow a wrotow w koparskj hrě ST Marijineje hwězdy doma přećiwo Haselbachtalej. Prěnju móžnosć k nawjedowanju měješe hižo w 2. min. Jakob Pakoßnick, kiž zbliska na wrotarju zwrěšći. Po dźesać hratych mjeńšinach pak so třělenje wrotow tak prawje započa. 1:0 docpě Dawid Jurš po zamjeće bratra Tomaša. Po róžku Frenzel (23.) wuruna. Jako w 25. min. nimohra hosći njefungowaše, třěli Dawid Jurš 2:1. Štyri mjeńšiny po tym Jakob Pakoßnick­ zwyši. Po dalšim standardźe zniži Frenzel mjezystaw na 3:2 (36.). Wólny kop Paula Schmidta spjasćowa wrotar hosći před noze Tomaša Jurša, kiž ze zdalenosće dźesać metrow k 4:2 (38.) přetwori. Wulce zasłužene 5:2 do přestawki poradźi so Dawidej Juršej po wólnym kopje­ Tobiasa Škody.

Wuslědki (01.12.15)

Dienstag, 01. Dezember 2015 geschrieben von:

Kopańca

wokrjesna wyša liga

Großröhrsdorf – Bukecy 5:0 (3:0)

Póst Budyšin – Łuty1:1 (0:1)

Wachau – Kulow4:4 (2:3)

Rakecy – Hnašecy2:2 (0:1)

Kinspork – Kumwałd 8:2 (2:1)

1. Chrósćicy 14 37 : 7 38

2. Hory 13 38 : 8 30

3. Kumwałd 13 35 : 22 26

4. Großröhrsdorf 15 36 : 27 26

5. Hnašecy 13 31 : 15 24

6. Póst Budyšin 15 36 : 34 21

7. Ralbicy/Hórki 13 26 : 13 20

8. Rakecy 14 25 : 20 20

9. ST Ćisk 13 26 : 26 19

10. Kinspork 14 30 : 29 18

11. Połčnica 14 23 : 22 16

12. Ramnow  12 25 : 25 16

13. Kulow 14 22 : 24 14

14. Wachau 14 22 : 49 9

15. Bukecy 14 15 : 41 8

16. Łuty 14 13 : 47 8

17. Wjelećin 13 16 : 47 7

Wokrjesna liga, stafla III

Großröhrsd. II – Großnaundorf 3:4 (2:0)

Kamjenc II – Arnsdorf 3:1 (1:1)

Frankenthal – Großharthau 5:0 (1:0)

Wósl./Skaskow – Ottend./Liegau 1:2 (0:1)

Marijina hwězda – Haselbachtal 7:4 (5:2)

Hlinowc – Němske Pazlicy 3:3 (2:1)

1. Frankenthal 12 36 : 15 31

2. Ottendorf/Liegau 11 27 : 12 26

3. Arnsdorf 12 32 : 12 24

4. Großröhrsdorf II 12 24 : 15 21

Marijina hwězda po dobyćomaj nazymski mišter

Montag, 30. November 2015 geschrieben von:

Na posledni hrajny dźeń prěnjeje połserije we volleyballowej wokrjesnej klasy podachu so mužojo ST Marijineje hwězdy do Budyšina. Tam čakaše na nich­ najćeši přećiwnik tabulki SZ Wjazońca. Jako aktualny wokrjesny mišter je wona dotal tohorunja kóždu hru dobyła. W prěnim rozestajenju měrjachu Wjazońčenjo mocy z hosćićelom MSV Budyšin 04 IV.

MSV Budyšin 04 IV – SZ Wjazońca 0:2 (21:25, 15:25)

Wočiwidnje su hosćo hru na lochke ramjo brali – a to chětro dołhi čas. Nimale hač do kónca prěnjeje sadźby móžeše MSV Budyšin sobu dźeržeć. Druhdy samo snadnje nawjedowaše. Hakle na kóncu Wjazońca připołoži a doby. Druhi přechod bě jasna wěc za wokrjesneho mištra.

ST Wjazońca – ST Marijina hwězda 1:2 (25:16, 23:25, 11:15)

Nawjedowanje z ruki dali

Montag, 30. November 2015 geschrieben von:

FSV Budissa Budyšin – Hertha BSC II 2:3 (2:0)

Zestawa domjacych: J. Jakubov – Patka, Klippel, Pfanne, Čermák, Rosendo, Hoßmang, Hausdorf, Hansch (67. Reher), Walther, Salewski (80. Kral)

Za poslednju domjacu hru lěta 2015 su sej koparjo Budissy Budyšin přede­wzali, zo přećiwo mustwu U23 Herthy BSC dobudu. Zymne a pancate wjedro postara so wo słabu kulisu 325 přihladowarjow. W prěnim połčasu so předewzaće Budissy połnje poradźi. Hertha bě drje hrajersce lěpši cyłk, před šěsnatku pak jón škit hosćićela přeco zaso zadźerža. Wo wšo dalše staraše so wrotar Jakub Jakubov. Hižo w 16. min. domjacy 1:0 nawjedowachu. Pavel Čermák bě wrota spřihotował a Paul-Max Walther trjechił. Po něhdźe poł hodźinje měješe třělc prěnich­ wrotow dalšu móžnosć. Wón pak so na trawniku wobsuny a třělwa smaleše snadnje nimo wrotow. W 41. min. Jakubov bul daloko wotkopny a Walther trjechi z třělwu do dołheho kuta­ k 2:0. Wjeselo w Budyskich rjadach bě wězo wulke.

Direktny konkurent jasnje přewinjeny

Montag, 30. November 2015 geschrieben von:

ST Wětnica/Hola – Sokoł Ralbicy/Hórki II 0:5 (0:2)

Zestawa hosći: Cyž – Zynda, Matka, Serbin (74. Šěn), F. Šołta (70. Kobalc), D. Šołta, T. Bejma, F. Bejma, B. Bejma, Kurjat (74. Róbl), Materne

Dokelž bu hra prěnjeho mustwa Sokoła Ralbicy/Hórki w Ćisku wotprajena, to delanska rezerwa wuži a so z Bejmic trójku a Dirkom Šołtu zesylni. Chcychu pola direktneho konkurenta połnje dypkować. Wětničenjo so hnydom hłuboko do swójskeje połojcy wróćo sćahnychu. Hosćo hru jasnje diktowachu a tak běše jenož prašenje časa, hdy prěnje wrota padnu. W 24. min. přihra Dirk Šołta bul Měrćinej Kurjatej, kiž do swobodneho ruma zaběža a kulowatu kožu do dołheho kuta z dwaceći metrow k 0:1 přetwori. Krótko po tym docpě Kurjat swoje druhe wrota dnja. Bejmic bratraj Tomaš a Bosćij wuhraštaj Wětničanski škit a Měrćin Kurjat njeměješe ćeže, sam před wrotami 0:2 (32.) docpěć. Zo steješe k połčasej jenož 0:2 tež na tym zaležeše, zo Ralbičenjo tójšto šansow ležo wostachu. Na přikład Markus Serbin a Bosćij Bejma. Wočiwidnje mějachu Sokoljo 85 procentow hrajneho podźěla a Tomaš Cyž we wrotach běše dospołnje bjezdźěłny.

Dźiwje micki wuspěšne

Montag, 30. November 2015 geschrieben von:
We volleyballowej wokrjesnej klasy žonow, stafla sewjer su Worklečanske dźiwje micki wčera w swójskej hali wobě hrě z 2:0 přećiwo Marijinej hwězdźe III a MSV Budyšinej 04 III dobyli. Za Worklečanki běštej to prěnjej dobyći aktualneje sezony. W samsnym času běchu Marijine hwězdźički doma w Pančicach z 2:0 přećiwo SC Wojerecam wuspěšne.

Fünfstück přestanje

Montag, 30. November 2015 geschrieben von:
Sportowa managerka Daniela Fünfstück njebudźe hižo jako jednaćelka za SC Wojerecy a jězorinowy sportowy zwjazk dźěłać. Dotal je wona stajnje z połsta procentami wobaj nadawkaj spjelniła a chětro přećežena była. Kónc lěta Fünfstück jednaćelstwo sportoweho zwjazka woteda a chce so potom połnje wjednistwu sportoweho kluba Wojerecy wěnować.

Widźał, słyšał, napisał (30.11.15)

Montag, 30. November 2015 geschrieben von:
Awtor dźensa André Strelow

Hladajo na koparske hrajnišća bližimy so dale a bóle zymskej přestawce. Myslu sej, zo so mjezybilanca hižo hodźi. Na zwjazkowej runinje hraje wšitko do kartow Bayerow z Mnichowa. Wočakowanu rólu, so z faworitam stać, su woni wurjadnje spjelnili. Bilanca móže so woprawdźe pokazać dać. Dotal ani jónu přěhrali njejsu. Respekt! Tež přećiwo jeničkemu konkurentej, mustwu z Dortmunda, su jasnje dobyli. Předskok wosom dypkow dyrbi cyle jednorje za dalše němske mišterstwo dosahać. Sym sej woprawdźe wěsty, zo tomu tak budźe. Nadźijam so tež, zo změja w přichodnych měsacach na mjezynarodnej runinje samsne a zdobom wuspěšne wukony. Cil za Guardiolowe mustwo móže jenož być, zo finale w kralowskej champions league docpěje.

Wuslědki (30.11.15)

Montag, 30. November 2015 geschrieben von:

Regionalna koparska liga

Luckenwalde – Nordhausen 1:4 (1:2)

BFC Dynamo – Neugersdorf 2:1 (1:0)

Rathenow – Neustrelitz 0:2 (0:0)

Auerbach – Halberstadt 4:1 (1:1)

Budissa Budyšin – Hertha BSC II 2:3 (2:0)

Meuselwitz – Berlinski AK 1:1 (0:1)

FC Viktoria – RB Lipsk II 1:1 (1:0)

Schönberg – Babelsberg 03 1:5 (0:1)

Jena – Zwickau0:1 (0:0)

1. Nordhausen 16 35 : 13 37

2. Zwickau 16 30 : 11 34

3. BFC Dynamo 16 38 : 26 33

4. Jena 16 21 : 6 32

5. Berlinski AK 16 23 : 9 32

6. Babelsberg 03 16 22 : 8 29

7. Neugersdorf 16 25 : 18 28

8. Auerbach 17 29 : 23 28

9. Neustrelitz 17 25 : 22 24

10. Budissa Budyšin 16 26 : 19 21

11. Meuselwitz 16 19 : 25 19

12. Hertha BSC II 16 22 : 30 19

13. Schönberg 16 19 : 23 15

Wokrjesna liga, stafla I

Malešecy – HZ Budestecy 5:1 (2:0)

Hodźij – Mały Wjelkow 0:1 (0:1)

Załom – Wulka D./Minakał 5:2 (3:1)

ST Budyšin – Hnašecy II6:2 (2:1)

Póst Budyšin II – Kubšicy 3:1 (1:1)

Porchow – Wjazońca  1:3 (1:3)

1. ST Budyšin 12 44 : 16 34

2. HZ Budestecy 12 38 : 23 24

3. Wóspork 12 19 : 19 23

4. Malešecy 12 32 : 20 22

5. Załom 12 35 : 18 21

6. Radwor 11 25 : 12 21

7. Kubšicy 12 21 : 17 20

8. Wjazońca  12 25 : 32 17

9. Wjernarjecy 12 24 : 22 14

10. Porchow 12 31 : 41 13

11. Wulka D./Minakał 12 24 : 23 12

12. Póst Budyšin II  12 28 : 32 12

13. Mały Wjelkow 12 19 : 49 9

14. Hodźij 12 13 : 29 8

15. Hnašecy II 11 15 : 40 7

Wokrjesna liga, stafla II

Bluń – Njeswačidło1:2 (1:1)

Lubuš – Hórnikecy2:3 (2:1)

Wětnica/Hola – Ralbicy/Hórki II 0:5 (0:2)

FC Łužica – Rakecy II0:0 (0:0)

Nowe Město II – HZ Łaz 2:1 (1:0)

N. Hrabowka – Hory II 2:2 (1:2)

Wojerecy 1919 – Šćeńca8:0 (4:0)

1. FC Łužica 13 28 : 11 28

2. Wojerecy 1919 12 33 : 12 26

3. Rakecy II 11 33 : 6 24

4. HZ Łaz 12 19 : 12 23

5. Bluń 12 26 : 18 18

6. Njeswačidło 11 29 : 23 18

7. Lubuš 12 26 : 26 18

8. Nowe Město II 12 31 : 23 17

9. N. Hrabowka 12 28 : 20 16

10. Hory II 12 25 : 21 16

11. Hórnikecy 12 18 : 25 15

12. Ralbicy/Hórki II 12 21 : 28 13

13. Wětnica/Hola 13 19 : 49 11

Sport (27.11.15)

Freitag, 27. November 2015 geschrieben von:

Viktoria doma hraje

We volleyballowej wobwodnej lize wuchodneje Sakskeje Viktoria Worklecy jutře, sobotu, doma hraje: w 14 hodź. přećiwo VfB Zhorjelcej­ a w 16 hodź. přećiwo TuS Niskej. Z dobyćomaj móhła načolnistwo wobwodneje ligi přewzać.

Dźěći na flizzy-dźeń prošene

Lětuši flizzy-dźeń wokrjesa Budyšin za pěstowarske­ dźěći wotměje so wutoru, 2. decembra wot 8.30 hodź. w Biskopičanskim sportowym parku Wesenitz. Flizzy-team Budyskeho wokrjesneho sportoweho zwjazka je sej 110 dźěći z kubłanišćow w Biskopicach přeprosył. Flizzy­ je mjeno dźěćaceho sportoweho znamješka.

Volleyballowy camp

Holcy a hólcy w starobje 9 do 11 lět su 5. decembra wot 9 do 20 hodź. na cyło­dnjowski volleyballowy camp w Budyšinje přeprošeni. Wobdźě­lenje je darmotne. Zajimcy njech so hač do 3. decembra přizjewja, a to pola MSV Budyšin 04.

Serbski Sokoł namołwja

Anzeige