Wuslědki (23.06.16)

Donnerstag, 23. Juni 2016 geschrieben von:

Tabulki po hrach předkoła koparskeje europeady – mužojo

skupina A

1. Ladinojo   3  9  13:1

2. Madźarojo z Rumunskeje 3  6  10:3

3. Adalet  3  3  4:14

4. Wubr. z Pustertala*  3  0  0:9

* Wubranka z Pustertala zastupuje Zapadothrakiskich Turkow, kotřiž so na turněrje wobdźělić njemóža. Wuslědki wubranki so njehódnoća.

Skupina B

1. Karačajenjo  3  9  20:2

2. Retoromanojo  3   6  9:7

3. Romojo z Madźarskeje 3  3  6:8

4. Wubr. mjeńšin z Estiskeje  3  0  0:18

Skupina C

1. Madźarojo ze Słowakskeje  3  7  13:2

2. Korutanscy Słowjency  3  6  15:3

3. Łužiscy Serbja  3   4  9:6

4. Němcy z Danskeje  3  0  1:27

Skupina D

1. Okcitanojo  3  7  9:3

2. Słowacy z Madźarskeje  3  6  12:7

3. Danojo z Němskeje  3  4  9:4

4. Aromunojo   3  0  2:18

Skupina E

1. Němcy z Južneho Tirola  3  9  14:3

2. Sewjerni Frizojo 3  4  10:15

3. Manksojo  3  3  4:6

4. Němcy z Pólskeje  3  1  6:10

Skupina F

1. Němcy z Ruskeje  3   7  17:1

2.  Južni Serbja z Chorwatskeje 3  5  10:2

3. Němcy z Madźarskeje  3  2  4:13

4. Cymbrojo z Italskeje  3  1  3:18

Žony:

Skupina G

1. Okcitančanki 2   6  14:2

2. Němki z Južneho Tirola 2  3  6:2

3. Łužiske Serbowki  2  0  1:17

Skupina F

1. Němki z Ruskeje   2  6  10:0

2. Ladinjanki  2  3  2:2

3. Retoromanki   2  0  1:11

Štwórćfinalne partije muži dźensa, 23. junija, we 18 hodź.:

Karačajenjo – Ladinojo

Okcitanojo – Madźarojo ze Słowakskeje

Němcy z Južneho Tirola

– Madźarojo z Rumunskeje

Němcy z Ruskeje

Sand in Taufers (SN/JaW). Dobyćerja 3. koparskich mišterstwow narodnych mjeńšin Europy w Južnym Tirolu wuhraja bjez wobdźělenja Serbskeje koparskeje wubranki. Wona njezamó wčera dwubój z Korutanskimi Słowjencami za sebje rozsudźić a je z poražku 3:2 štwórćfinale misnyła. „Smy sej wjac předewzali, ale to je kopańca. Wězo so mjerzam, wšako mějachmy šansu dale­ přińć“, wobžarowaše kapitan Pětr Domaška. Kaž nawodnistwo turněra informowaše, nastupja serbscy koparjo zajutřišim, pjatk, w hrě wo 13. městno přećiwo Sewjernym Frizam w Ahrntalu. Serbske koparki hraja hižo jutře w Mühlwaldźe wo 5. městno.

Serbska koparska wubranka pak wčera přiwšěm pokaza, zo je dobry přěhračk. Koparske towarstwo Ahrntal přeprosy po hrě na zabawny wječor. Mjez hosćimi běchu tam nimo serbskeho tež mustwo Němcow z Danskeje a mnozy serbscy přiwisnicy. W duchu europeady pěstowachu wšitcy lóštnu zhromadnosć. Wo dobru naladu staraštaj so live-skupina a akordeonist­ Florian Bejmak, kiž skupinu sčasami zesylni. Tak zaklinčachu k zabawje tež serbske štučki.

Paris. Němska wubranka pod trenarjom Joachimom Lö­wom je jako dobyćer skupiny C wosmifinale europskich koparskich mišterstwow 2016 docpěła. W Pariskim Prinzenparku su Němcy wčera wječor, w samsnym času, jako hraješe Serbska koparska wubranka w Sandźe in Taufers přećiwo Korutanskim Słowjencam, Sewjernu Irsku z 1:0 přewinyli. Jeničke wrota docpě Mario Gomez­ w 30. min., po tym zo bě Thomas Müller jeho z finalnej přihrawku posłužił. Nimo Gomeza bě wčera wot wšeho spočatka tež młody hrajer Josua Kimmich zasadźeny. A bě nimale na kóždej druhej wulkošansy wobdźěleny. Jich bě cyłkownje sydomnaće. Hižo zahe su němscy koparjo na přećiwnika wulki ćišć wukonjeli. W 7. min. na přikład dósta Müller přihrawku Mesuta Özila, ale sewjeroirski wrotar Mc Govern jeho třělwu wotwo­bara. Njezbožo měješe Müller po flance Kimmicha. Nadběhowar FC Bayern Mnichowa ćisny so do třělwy a zhłójčkowa bul do žerdźe (23.). Wažne bě, zo ma Löw ze­ sylnym youngsterom Kimmichom a z Gomezom hrajerjow, kotrajž budźetaj we wosmifinalnej partiji za­wěsće zaso wot spočatka zastupjenaj.

Přećiwniske wrota přezahe přijeć dyrbjeli

Mittwoch, 22. Juni 2016 geschrieben von:

Korutanscy Słowjency – Łužiscy Serbja 3:2 (1:1)

Zestawa SKWm: Zestawa SKWm: Hubertus Čórlich – Patrik Woko, Bosćij Cyž, Fabian Korjeńk (67. Simon Žur), Karl Petrick, Denny Kral, Pětr Domaška, Bosćij Bejma (76. Bosćij Bjeńš), Feliks Hrjehor, Jonas Krawčik (80. Dawid Jurš), Dirk Šołta

Serbska koparska wubranka muži je wčera před 200 serbskimi přihladowarjemi w Sandźe in Taufers po sylnym wukonje Korutanskim Słowjencam z Awstriskeje z 2:3 podležała a tak koło najlěpšich wosom cyłkow europeady bohužel misnyła. To dobre na poražce SKWm při­wšěm je, zo je so znajmjeńša jeje wčera­wši jara sympatiski přećiwnik za štwórć­finale kwalifikował. Njerozsudny wuslědk woběmaj cyłkomaj pomhał njeby.

Wuslědki (22.06.16)

Mittwoch, 22. Juni 2016 geschrieben von:

Koparska europeada – mužojo

Wubranka z Pustertala*

– Madźarojo z Rumunskeje 0:3

* Wubranka z Pustertala zastupuje Zapadothrakiskich Turkow , kotřiž so na turněrje wobdźělić njemóža. Wuslědki wubranki so njehódnoća.

Ladinojo – Krimscy Tatarojo    8:0

Retoromanojo

– Wubranka mjeńšin z Estiskeje   4:0

Romojo z Madźarskeje

– Karačajenjo z Ruskeje 0:5

Němcy z Danskeje

– Madźarojo ze Słowakskeje  0:10

Korutanscy Słowjency –  Łužiscy Serbja  3:2

Słowacy z Madźarskeje – Aromunojo  8:1

Okcitanojo – Danojo z Němskeje   1:1

Němcy z Pólskeje – Manksojo    0:2

Němcy z Južneho Tirola

– Sewjerni Frizojo 8:2

Němcy z Madźarskeje

– Južni Serbja z Chorwatskeje 2:2

Cymbrojo z Italskeje

– Němcy z Ruskeje   1:8

žony

Němki z Južneho Tirola

– Okcitančanki 1:2

Retoromanki – Němki z Ruskeje    0:9

Toulouse. Nowačk Wales je so wčera wječor z wusahowacym superstarom Garethom Balom za wosmifinale europskich koparskich mišterstwow kwalifikował a rusku wubranku dwě lěće do swětowych­ koparskich mišterstwow w Ruskej domoj pósłał. „Zmije“ pokazachu w Toulouseu wjele lubjacu kopańcu a dobychu 3:0. Nimo­ toho zawěsćichu sej hišće skupinske dobyće w skupinje B před Jendźelskej. Za Walizow je to druhi najwjetši wuspěch w koparskich stawi­znach kraja. Před 58 lětami docpěchu mjenujcy štwórćfinale swětowych koparskich mišterstwow. „Što je to do nocy. Ženje­ ju njezabudźemy! Takle dobyć je něšto wosebiteho. Nětko wjeselimy so na při­chodneho přećiwnika“, rjekny Waliz­ Joe Allen. Za Rusku bě to hižo třeći k.o. w předkole. Za Wales trjechichu Aaron­ Ramsey, Neil Taylor a Gareth Bale, kiž lisćinu třělcow z trojimi wrotami nawjeduje­.

Łužiscy Serbja – Madźarojo ze Słowakskeje 2:2 (1:1)

Zestawa SKWm: Hubertus Čórlich – Patrik Woko, Bosćij Cyž, Fabian Korjeńk, Karl Petrick, Denny Kral, Pětr Domaška, Simon Žur (70. Bosćij Bejma), Feliks Hrjehor, Jonas Krawčik, Dirk Šołta

Překlepani Madźarojo ze Słowakskeje dyrbjachu so wčera přećiwo z hišće překlepanišimi Łužiskimi Serbami roze­stajeć. Trenar SKWm Frank Ričel bě cyłk nimale dospołnje přestajił. Tak běše nutřkowny škit z Bosćijom Cyžom a Fabianom Korjeńkom wo wjacore centi­metry narostł a wonkowny škit Patrik Woko/ Dirk Šołta postara so naprawo a nalěwo wo wonkownu murju, kotruž njemóžachu Madźarojo přewinyć. Šunowčan Woko agěrowaše ze swojej masku­ na mjezwoču (wón bě sej před tydźenjomaj­ nós złamał) na prawej stronje, Šołta z agresiwnym a spěšnym ški­tanjom na lěwej stronje. Zady přidruži­štaj so hišće Fabian Korjeńk a Bosćij Cyž, kotrajž kóždu wysoku třělwu z hłowu wotwobaraštaj.

Wulka podpěra najebać poražku

Dienstag, 21. Juni 2016 geschrieben von:

Němki z Južneho Tirola – Łužiske Serbowki (SKWž) 5:0 (2:0)

Zestawa SKWž: Jadwiga Richterowa – Janika Bětnarjec, Franciska Hellnerowa, Klawdija Hejdušcyna (51. Nadja Zamora), Michaela Młynkec (80. Julia Młynkec), Michaela Domaškec (88. Lubina Mičkec), Lenka Fryčec, Sophia Bejmakec, Anna Richterec (65. Lara Brücknerec), Marie-Luise Pjetašec, Chrystina Pašcyna

Wčerawša poražka Serbowkow njeje překwapjaca, wšako bě do hry jasne, zo maja hosćićelki jara sylny cyłk. Překwapił pak je wukon SKWž. Wot wšeho započatka hry forměrowaše so škitny zwjazk, kotryž­ bě hač do 8. min. bjez dźěrow. Hakle­ kapitalna třělwa Južnotirolčanki ze zdalenosće něhdźe 22 metrow wjedźeše k nawjedowanju. Wrotarka Jadwiga Richterowa bě bul přepozdźe widźała a njeměješe šansu ju wotwobarać. Slědowaše pak faza, w kotrejž wubědźichu sej serbske koparki samo róžk. Dwójce, trójce jewjachu so tež před šěsnatku přećiwnika, kotryž pak wšitke nadběhi suwerenje wotpopadny. Hišće do přestawki dóńdźe k njetrjebawšemu 0:2 (44.). Třělwa z něhdźe 16 metrow prasny do žerdźe a wottam do wrotow.

Wuspěšna ministrantska kopańca

Dienstag, 21. Juni 2016 geschrieben von:

Šěsć ministrantskich cyłkow 3. do 6. lětnika a štyri mustwa 6. do 8. lětnika su so minjenu sobotu na mi­nistrantskej kopańcy w Pěskecach wobdźělili. Po zhromadnym nyšporje, kotryž swjećeštaj Ra­dworski farar Beno Jakubaš a Kulowski farar­ Gabriš Nawka, podachu so minis­trantske skupiny na Pěskečanske sport­nišćo. Ći mjeńši hrajachu w dwěmaj staflomaj. Kónčnu hru dobychu Róžeńčenjo přećiwo Chrósćicam 1:0, a to z direktnje přetworjenym wólnym kopom Konstantina Hrjehorja. Najlěpši dypkowy a wrotowy poměr pola wjetšich ministrantow mějachu Kulowčenjo. W tej kategoriji bě so turněrowy nawoda farar Jakubaš za system kóždy přećiwo kóždemu rozsudźił.

Wutrobne zapłać Bóh wšitkim sudnikam, fararjomaj a dekanatnemu dušepastyrstwu za dźěći za přewšo poradźeny turněr. Kilian Hrjehor

Wuslědki (21.06.16)

Dienstag, 21. Juni 2016 geschrieben von:

Koparska europeada

mužojo

Krimscy Tartarojo

– Madźarojo z Rumunskeje 1:6

Ladinojo – Wubranka z Pustertala*   3:0

* Wubranka z Pustertala zastupuje Zapadothrakiskich Turkow, kotřiž so na turněrje wobdźělić njemóža. Wuslědki wubranki so njehódnoća.

Karačajenjo z Ruskeje

– Wubranka mjeńšin z Estiskeje  10:0

Romojo z Madźarskeje

– Retoromanojo 2:3

Łužiscy Serbja

– Madźarojo ze Słowakskeje  2:2

Korutanscy Słowjency

– Němcy z Danskeje 12:0

Danojo z Němskeje – Aromunojo   6:0

Okcitanojo – Słowacy z Madźarskeje  4:1

Sewjerni Frizojo – Manksojo    3:2

Němcy z Južneho Tirola

– Němcy z Pólskeje 3:1

Němcy z Ruskeje

– Južni Serbja z Chorwatskeje 0:0

Cymbrojo z Italskeje

– Němcy z Madźarskeje 2:2

žony

Němki z Južneho Tirola

– Łužiske Serbowki 5:0

Retoromanki – Ladinjanki 1:2

Anzeige