Pokiwy (23.11.16)

Mittwoch, 23. November 2016 geschrieben von:

Knižna premjera

Budyšin. „Die dörfer unter wasser sind in deinem kopf beredt“ rěka kniha z basnjemi Róže Domašcyneje, kotraž změje štwórtk, 24. nowembra, w 19.30 hodź. premjeru w Budyskej Smolerjec kniharni. Knihu wudali su Jayne-Ann Igel, Jan Kuhbrodt a Ralph Lindner w Lipšćanskim nakładnistwje Poetenladen. Nimo awtorki budźe jutře tohorunja překwapjenski hósć pódla. Wšitcy zajimcy su přeprošeni.

Terminy za protyku zapodać

Budyšin. Štóž ma nětko hižo terminy za swjedźenje a zarjadowanja, kotrež njeměli młodostni klětu skomdźić, njech je socialnej dźěłaćerce Rěčneho centruma WITAJ Francisce Zopic ( / 0170-1559925) abo Serbskemu młodźinskemu towarstwu Pawk () zapoda. Zhromadnje z kubłanskej referentku Domowiny Rejzku Wałdźic chcedźa za lěto 2017 zaso woblubowanu nasćěnowu protyku wudać a na přikład młodźinskim klubam a dalšim zajimcam pře­wostajić. Terminy zběraja hač do kónca nowembra.

Přednošuje senioram

Pokiwaj (22.11.16)

Dienstag, 22. November 2016 geschrieben von:

Wo identiće a sydlenskim rumje

Budyšin. W Budyskim Serbskim instituće přednošuje dr. Lutz Laschewski z Rostockskeje uniwersity jutře, 23. nowembra, w 14 hodź. na temu „Kulturna identita a rum. Konstituowanje serbskeho sydlenskeho ruma jako socialny proces“. Přednošk je wěnowany prašenjam, nastawacym we wobłuku politiskeho planowanja we Łužicy. Tak póńdźe wo postajenje serbskeho sydlenskeho ruma kaž tež wo wopisanje naprawow, kotrež maja wobchowanju a spěchowanju serbskeje kultury słužić. Dalše prašenje je, kak hodźi so powšitkowna towaršnostna „wužitnosć“ serbskeje kultury za cyły region spěchować. Přednošowar rozjimuje tele prašenja před pozadkom powšitkownych towaršnostnych trendow. Zarjadowanje je zjawne a budźe w němskej rěči. Dr. Laschewski wuči zdobom wo socialnowědomostnych­ prašenjach wobswěta na BTU w Choćebuzu.

Socialne poradźowanje

Pokiwy (18.11.16)

Freitag, 18. November 2016 geschrieben von:

Zakónčenje Lěta smilnosće

Róžant. Na swjedźenju Chrysta Krala njedźelu, 20. nowembra, w 15 hodź. je w Róžeńčanskej swjatnicy nyšpor k zakónčenju Lěta smilnosće. Wšitcy młodostni a wěriwi ze swojimi swójbami su wutrobnje přeprošeni. Serbska dekanatna młodźina nyšpor wuhotuje a přeprošuje po tym wšěch na zhromadnu swa­činu.

Knižna premjera

Budyšin. „Die dörfer unter wasser sind in deinem kopf beredt“ rěka kniha z basnjemi Róže Domašcyneje, kotraž změje štwórtk, 24. nowembra, w 19.30 hodź. premjeru w Budyskej Smolerjec kniharni. Knihu wudali su Jayne-Ann Igel, Jan Kuhbrodt a Ralph Lindner w Lipšćanskim nakładnistwje Poetenladen Verlag. Nimo awtorki so na tymle wječoru tohorunja překwapjenski hósć wobdźěli. Wšitcy zajimcy su tuž wutrobnje přeprošeni.

Do dźěłarnje za zbrašenych

Rozšěrjena přehladka „Wotmolowane – Mit Licht gemalt“ je nětko w Serbskim muzeju přistupna. Nimo fotow priwatnych požčowarjow je galerija fararjow Klětnjanskeje ewangelskeje cyrkwje widźeć. Rjad wuwědomja, kak je so ateljejowe fotografowanje w běhu lětdźsatkow přeměniło. Na wulkej wobrazowce hodźi so w priwatnych fotowych albumach na přikład Łušćanskec swójby z Njebječic wokoło 1910, młodowučerja Jurja Kubaša-Worklečana abo wo poswjećenju Zejlerjoweho pomnika we Łazu listować. Widźeć je dale dźěl diasoweje serije wo žiwjenju w klóštrje Marijinej hwědźe w 1920tych lětach. Foto: Jürgen Maćij

Protyka (18.11.16)

Freitag, 18. November 2016 geschrieben von:

Pjatk 18.11. 19:00 Nakupowanska nóc w Kamjencu

  19:30 SLA předstaji w Budyskim Serbskim muzeju mišterske twórby chóroweje hudźby

Sobotu 19.11. 9:00 Wustajeńca adwentneje pychi w Holešowskim Pěčkec zahrodnistwje

  14:00 Dožiwjenski dyrdomdej za swójby na Rěčičanskim Erlichtec statoku

  19:00 142. schadźowanka w Budyskej „Krónje“

  19:30 Inscenacija NSLDź „Do dźěła zdar!“ w Njebjelčanskej „Bjesadźe“

Njedźela 20.11. 10:00 Adwentna wustajeńca we Worklečanskim wobchodźe za floristiku

  10:00 Snobjed a diskusija „SorbFutureLab“ wo přichodźe Serbow w Budyskej Rörhrscheidtowej bašće

  16:00 Inscenacija NSLDź „Do dźěła zdar!“ w Haslowje

Wutoru 22.11. 10:00 Přednošk „Wjerch Pückler a Serbja“ w Choćebuskim Serbskim domje

Srjedu 23.11. 18:00 Serbske blido w Choćebuskim Měšćanskim muzeju na Dwórnišćowej

Rozhłós (18.11.16)

Freitag, 18. November 2016 geschrieben von:

Njedźelu, hornjoserbsce

11:00 Łužica tutón tydźeń, mjez druhim wo „hłownej“ ZSW

11:20 Njewšědne stawiznički k smjert­nej njedźeli

11:45 Wo schadźowance

12:00 Nabožne wusyłanje

 (Wito Sćapan)

  po tym zbožopřeća

delnjoserbsce

12:30 Aktualny magacin, mjez druhim wo strašnosći ptačeje gripy w Delnjej Łužicy

13:00 Serbske hudźbne tradicije:

pišćelowe twórby

13:30 Nabožne wusyłanje

 (Helmut Hupac) 

 po tym zbožopřeća

Reje w bróžni

Donnerstag, 17. November 2016 geschrieben von:
Ralbicy. Ralbičanski młodźinski klub přeprošuje na kermušne reje, a to jutře, pjatk, wot 21 hodź. do Ralbičanskeje bróžnje. Reje wotměja so lětsa prěni raz pjatk a nic kaž hewak sobotu. Při tačelach budźe DJ Guido stać, zastup płaći tři eura. Bróžeń budźe wutepjena.

Do kina (17.11.16)

Donnerstag, 17. November 2016 geschrieben von:

17.11.–23.11.2016 Budyski filmowy palast: Jack Reacher: pj, so, nj, wu a srj 20:30 | pj a so 23:00 Phantastische Tierwesen w 3 D: wšědnje 16:45 a 19:30 | pj a so 22:30 Willkommen bei den Hartmanns: wšědnje 14:30 (nimo štw), 17:00 a 19:30 (nimo štw) | štw 18:00 a 20:30 | so 22:00 Pettersson und Findus: wšědnje 14:00 | nj 12:15 Doctor Strange w 3 D: wšědnje 19:15 | pj a so 21:45 Inferno: pj 22:00 Bridget Jones’s Baby: wšědnje 18:00 (nimo štw a pó) Phantastische Tierwesen: wšědnje 14:00 Trolls: wšědnje 14:45 (nimo štw a pó) Trolls w 3 D: wšědnje 17:00 (nimo pó) | nj 12:45 Störche – Abenteuer im Anflug: nj 12:30 Findet Dorie: nj 12:00 | wšědnje 15:45 (nimo štw a pó) Findet Dorie w 3 D: štw a pó 14:45 Das kalte Herz: pó 16:45

Kino-ekstra: Mit besten Absichten:­ pó 17:15 a 20:15

Wojerowski CineMotion: Willkommen bei den Hartmanns: wšědnje 15:10, 17:00 a 20:05 Jack Reacher: wšědnje 20:10 | pj a so 22:35 Störche: so a nj 13:30 (nimo srj) Dr. Strange w 3 D: pj a so 22:40 Phantastische Tierwesen w 3 D: wšědnje 17:10 a 20:00 | pj a so 22:25 Phantastische Tierwesen: wšědnje 14:15 a 19:30 Pettersson und Findus 2: wšědnje 15:40 | so a nj 12:25 Findet Dorie: so a nje 12:55 Bridget Jones’s Baby:­ wšědnje 17:30 Inferno: wšědnje 17:35 (nimo srj) Burg Schreckenstein: so a nj 13:00 Trolls: wšědnje 15:05 Ouija: Ursprung des Bösen: pj a so 22:20 My first Lady: srj 17:40

Pokiwaj (14.11.16)

Montag, 14. November 2016 geschrieben von:

Wólbernosće zaspěwaja

Pančicy-Kukow. Posledni lětuši nazymski koncert wotměje so jutře, wu­toru, w Pančicach-Kukowje. W tamnišej „Starej hospodźe“ zaspěwa wot 19.30 hodź. skupina Wólbernosće. Bohužel njemóže delnjoserbski chór Łužica swój koncert chorosće dla přewjesć. Tole chcedźa klětu nachwatać.

Moderne reje

Budyšin. Moderne rejwanske dźiwa­dło dožiwja zajimcy srjedu, 16. nowembra, w 19.30 hodź. na žurli SLA. Z kruchom „Wobliča lubosće – Le Sacre du Printemps“ wopisuje balet SLA změny w mjezyčłowjeskich­ poćahach. Potajnstwo a hódančko,­ zbožo a zadwělowanosć, zjednoćenje a dźělenje so jako fy­ziski podawk předstajeja. Zawod do krucha poskićuja wot 19 hodź. w předrumje Röhrscheidtoweje bašty.

Pokiwy (11.11.16)

Freitag, 11. November 2016 geschrieben von:

Swójbne popołdnjo w šuli

Rakecy. Jutře, sobotu, su serbske kaž tež dwurěčne swójby wot 15 hodź. do Rakečanskeje Pawołskeje šule na swójbne popołdnjo Budyskeje župy přeprošene. Na dźěći čaka tójšto překwapjenkow a zaběrow. Mjez druhim chcedźa z nimi nawuknyć wušiwać a předstaja jim woblubowanu hru „Krabat“. Wjeršk budźe zawěsće zakónčace klankodźiwadło.

Koncert přećiwo rasizmej

Budyšin. Jutře w 19 hodź. wotměje so w Budyskim Kamjentnym ­domje koncert „Wočiń woči – zhromadnje přećiwo rasizmej a fašizmej!“. Budyšin běše tež lětsa zaso we wšěch medijach, jenož nic runje za to, štož chcyše po ­sebjezrozu- mjenju mnohich přeco być – swětej wotewrjena stolica dwurěčneje Łužicy. Intoleranca, rasizm, namóc přećiwo hinak myslacym – zrudźaca normalita w hewak tak měrliwej domiznje? Nic pak z nami­. Hrać budu wot 20 hodź. skupiny JANKAHANKA, Berlinska dróha, Die Folksamen, Pisse a Nellski.

Wola noweho princa

Anzeige