Křižowka (04.10.19)

Freitag, 04. Oktober 2019 geschrieben von:

Wodorunje: 3 kruty kraj w morju, 5 myslička, 6 městno knježićela, 7 něhdy přistaw Roma, 10 nic tuni, 13 chětro, 14 nic hólc, 15 alkoholiski napoj

Padorunje: 1 alkoholiski napoj, 2 dalši alkoholiski napoj, 3 kraj koparskich mišterstwow swěta 2022, 4 Staub serbsce (o = ó), 8 nic młodźi, 9 stat USA, 11 norwegska stolica, 12 arabski kraj

Rozhłós (04.10.19)

Freitag, 04. Oktober 2019 geschrieben von:

njedźelu hornjoserbsce

11:00 Łužica tutón tydźeń, mjez druhim wo měrliwej rewoluciji před 30 lětami a z přehladom powěsćow tydźenja

11:20 Duwo Mlokawka live w studiju

12:00 Nabožne wusyłanje

 (Beno Jakubaš)

po tym zbožopřeća

delnjoserbsce

12:30 Aktualny magacin, mjez druhim wo měrliwej rewoluciji před 30 lětami

13:00 Serbska rěč w swójbje

13:40 Nabožne wusyłanje

 (Christiana Piniekowa)

po tym gratulacije 

Změna generacijow?

Freitag, 04. Oktober 2019 geschrieben von:
Budyšin. Swobodne dźěłowe městna w serbskich institucijach budu jedna tema přichodneho hornjoserbskeho telewizijneho magacina Wuhladko jutře, sobotu, w 11.45 hodź. na sćelaku MDR. Přichodne měsacy ma so tójšto dźěłowych městnow w serbskich institucijach znowa wobsadźić. Za někotre kaž za jednaćelstwo Ludoweho nakładnistwa Domowina maja požadarjow. Za druhe městna pak hižo dlěje podarmo zajimcow pytaja. Přińdźe přichodna změna generacijow w serbskich běrowach – abo wostanu někotre stólcy tola prózdne? Dale rozprawjeja wo nowym oratoriju „Hrodźišćo“ z pjera Měrćina Weclicha a Madleny Nasticcyneje a kak su so akterojo na njón přihotowali. Nimo toho póńdźe wo nowu wustajeńcu w Budyskim Serbskim muzeju „Sorbian Street Style“ a wo Křesćana Zahrodnika, kiž je nowy němski mišter w mnohostronskim jěchanju amaterow. 30lětny Chróšćan je w Hannoverje-Langenhagenje titul dobył.

Do kina (02.10.19)

Mittwoch, 02. Oktober 2019 geschrieben von:

3.10.–9.10.2019 Budyski filmowy palast:

Roger Waters Us + Them: nj 20:00 Paw Patrol: štw, pj, so a nj 15:00 a 17:00 | pó, wu a srj 17:15 | nj 10:15 a 13:00 | wu 14:45 Anime Night: One Piece: so 14.30 Shaun das Schaf: nj 10:15 a 13:00 | štw, pj, so a nj 15:00 a 17:00 | wu 14:45 | pó, wu a srj 17:15 Metallica S&M 2: srj 20:00 Gemini Man w 3 D: wšědnje 14:30 (nimo pó a srj), 17:00 a 19:45 (nimo srj) | srj 19:30 | štw, pj a so 22:30 Dem Horizont so nah: srj 19:45 A Toy Story: Alles hört auf kein Kommando: štw, so a nj 14:30 Der König der Löwen: nj 10:00 | štw, pj, so a nj 16:45 ES: Kapitel 2: štw, pj a so 19:15 a 22:15 | nj, pó a wu 19:30 Angry Birds 2: wšědnje 17:00 (nimo pó) | nj 11:00 | štw, pj, nj a wu 14:45 Fast and Furious: Hobbs and Shaw: štw, pj a so 22:30 Once Upon a Time In ... Hollywood: štw, pj a so19:30 a 22:30 Playmobil: nj 12:15 Pets 2: pj 14:30 | nj 12:30 Gut gegen Nordwind: wšědnje 19:30 (nimo pó a srj)

Kino-ekstra: Und der Zukunft zugewandt: pó 17:15 a 20:15

Městna swobodne

Dienstag, 01. Oktober 2019 geschrieben von:
Worklecy. Dekanatne dušepastyrstwo přeproša dźěći 5. a 6. lětnika wot póndźele do štwórtka, 14. do 17. oktobra, na prózdninske lěhwo do Naumburga. Dokelž su hišće swobodne městna, móža so tež dźěći ze 7. lětnika přizjewić. Na nje čakaja mjez druhim pućowanje, zhromadnosć, modlitwa, paslenje a kupanje. Wot kóždeho wobdźělnika zběra dušepastyrstwo přinošk 80 eurow. Zajimcy njech so prošu hač do jutřišeje srjedy pod telefonowymaj čisłomaj 035796/ 88 707 abo 0152/ 04 39 96 17 abo z mejlku pod adresu we Worklecach přizjewja.

Po wučbje Goethy

Montag, 30. September 2019 geschrieben von:
Njebjelčicy (SN). Iwona Stypułkowska – w Pólskej jara připóznata wuměłča mjezynarodneho formata – nawjeduje pjatk, 4. oktobra wot 19 hodź. a nazajtra w 15 hodź. w Njebjelčanskim gmejnskim centrumje za młodych a staršich dźěłarničku po Goethowej wučbje barbow. Štóž móže, njech stafelaju sobu přinjese.

Protyka (27.09.19)

Freitag, 27. September 2019 geschrieben von:

Pjatk 27.9. 18:00 Čitanska turneja LND: Knižna premjera Serbskeje pratyje w Žylowskim (Sielow) sportowym domje

  19:45 Čitanska turneja LND: Předstajenje knihi Trudle Malinkoweje „Serbske pomniki“ w Radworskim „Słodeńku“

Sobotu 28.9. 8:30 Fachowa konferenca „Dimensije participacije“ a hłowna zhromadźizna Serbskeho šulskeho towarstwa­ w Budyskim Serbskim domje

  9:00 Přirodowy a rybarski swjedźeń na Rěčičanskim (Rietschen) Erlichtec dworje

  9:00 Zhromadny dźeń za dźěći 1. a 2. lětnika we Worklečanskim Don Boskowym domje

  10:00 Druha comicowa dźěłarnička Rěčneho centruma WITAJ za šulerjow 3. do 5. lětnika w Hornim Hajnku

  14:00 Modowa přehladka wšelakich kulturow Budy­skeho regiona w Budyskim Centeru na Žitnych wikach

  15:00 Nóc muzejow w Zabrodskim (Sabrodt) muzeju jutrownych jejkow

  16:00 Modowa přehladka wšelakich kulturow Budyskeho regiona w Budyskim Centeru na Žitnych wikach

  19:00 Premjera filma hornjołužiskich młodostnych wo projektach „Schattenseiten – LEBEN“ a „Wuměłstwowy bus Hornja Łužica“ w Korzymskej (Kirschau) galeriji Flox

  19:30 Prapremjera oratorija „Hrodźišćo“ w Chróšćanskej „Jednoće“

Pokiwy (27.09.19)

Freitag, 27. September 2019 geschrieben von:

Chórowy koncert

Smochćicy. W koncertnym rjedźe „Mi šterske twórby chóroweje hudźby“ prezentuje Serbski ludowy ansambl jutře, 28. septembra, w 19.30 hodź. znate kaž tež lědma spěwane speciality chóroweje hudźby serbskich, němskich a mjezynarodnych komponistow. Publikum móže so na wujimki z cyklusa „I eat the sun and drink the rain“ za chór a smyčkowy orchester Svena Helbiga wjeselić.

Bayerske žiwjenske wjeselo

Wojerecy. We Wojerowskim starym měsće wotměja jutře wot 18 hodź. na Hrodowym naměsće oktoberski swjedźeń. Cyle po wašnju originala w Bayerskej měli sej žony dirndl a mužojo kožane cholowy woblec a poběži piwo do literskich karanow. Gawdi wobrubi hudźbna skupina z Erfurta.

Pisany program na dworje

Minjenu póndźelu poswjećichu nowy narowny kamjeń za serbskeho molerja Horsta Šlosarja składnostnje jeho 116. narodnin na kěrchowje w Drježdźanach-Strěžinje. Jurij Łušćanski měješe narěč před swójbnymi a česćowarjemi wuměłca. Serbja zanjesechu spěw „Ha widźu-li ptačata ćahnyć“. Tři lipowe łopješka narowny kamjeń debja. Foto: Heiko Pfriem

Čitajće w nowym rozhledźe (27.09.19)

Freitag, 27. September 2019 geschrieben von:

Nazyma je zaćahnyła a tak změjemy bórze zaso tróšku wjace chwile za čitanje. Tuž smój znowa wěnc zajimawych tekstow za was přihotowałoj. Kaž hižo připowědźene, chcemy so w přichodnych wudaćach hromadźe z wědomostnikami Serbskeho instituta a dalšimi kritisce ze wšelakimi aspektami serbskeho stawiznopisa roze­stajeć. W oktobrje wobswětla Pětš Šurman „nutřkowne stawizny“ štyrizwjazkoweho rjadu wo Stawiznach Serbow a pokazuje tež na politiski ćišć, kotryž běchu na awtorow wukonjeli.

W druhim dźělu swojeho nastawka wo serbskich žonach we 18. lětstotku koncentruje so Lubina Malinkowa na Serbowki, skutkowace we wobłuku Ochranowskeje bratrowskeje wosady jako wučerki abo samo dušepastyrki. Madlena Malinkec zaběra so ze serbsko-němskim połoženjom a z rěčnymi konfliktami w Lubinje w zažnym nowowěku. Při tym wona zwěsća, zo njewotpowěduje klišej wo potłóčowanju serbšćiny stajnje tomu, štož móžemy z historiskich žórłow wučitać.

Serbska debata

Neuheiten LND