Nowa hrajna doba Budyskeho NSLDź změje předstajenja za kóždy słód
Budyšin (SN/JK). Nowu hrajnu dobu 2015/2016 zahaji Budyske Němsko-Serbske ludowe dźiwadło z premjeru klankodźiwadła. Hižo přichodnu sobotu so w Dźiwadle na hrodźe prěni raz za „Kołpjowy jězor“ zawěšk wočini. Tam předstaja pozdatnje staroznatu stawiznu w cyle nowym swětle za wšěch tych, kotřiž su hižo raz zalubowani byli. Wo tym informowaše NSLDź dźensa na nowinarskej konferency.
Cyłkownje maja dźiwadźelnicy a sobudźěłaćerjo NSLDź w nowej sezonje 21 premjerow na programje, 14 činohrajnych němskich a hornjo- a delnjoserbskich, pjeć w klankodźiwadle a dwě hudźbnej inscenaciji hromadźe z dźiwadłom Zhorjelc-Žitawa, romantisku operu „Freischütz“ kaž tež musical „Comedian Harmonists“.